|
من اشعار الشيخ ناصر بن حمد ال خليفه شعر سمو الشيخ ناصر بن حمد ال خليفه (يعجز الشعر ) كل شخص ٍ يحب وكل شخص ٍ يميل قالوا إنك تحب وقلت ليه السؤال ؟ والهوى ديرة ٍ ما بين صد ووصال دوم فيها نزول ودوم فيها رحيل يا عرب والقلوب أشوفها بألف حال بين قلب جريح وبين قلب ٍ قتيل .. والا أنا لو باحب أحب بنت الخيال .. نادره ما لها بالناس شبه ومثيل ... فاتنة ناعمه فيها هدوء ودلال .. حاوية كل زين وكل طبع ٍ أصيل .. من يعرف الجمال يقول هيّ الجمال وصفها في قصيدي يشبه المستحيل كن في وجهها صبح ٍ ضحك لي وقال يا صباح المحبة من خليل لخليل .. وكن في عينها رمش ٍ ينادي تعال .. واعذابي من الرمش الكسول الكحيل .. شعرها ليل ٍ أسود فيه صمت وجدال .. إن تحرك يضيع الصبح بأطراف ليل .. إن تناثر جديله من يمين وشمال .. ضمني في بياض الصدر تحت الجديل .. والشفايف مثل جمر ٍ يزيد اشتعال .. ودي أضمّ جمره لين أشبّ الفتيل .. إن مشت كنها غصن ٍ مع الريح مال .. هزّه الشوق من فوق خصر ٍ نحيل .. كن فيها رسوخ ٍ علّمته الجبال .. وكن فيها شموخ ٍ علّمته النخيل .. تجمع الكل فيها من جمال الخصال .. بنت قلب ٍ رشيد وبنت عقل ٍ ثقيل .. كامله والله اللي يستحق الكمال صورة ٍ كل ما فيها فريد وجميل .. يعجز الشعر عنها حتى لو في الخيال .. كنه يقول يا ناصر ترى مستحيل .. |
رد: من اشعار الشيخ ناصر بن حمد ال خليفه اقتباس:
قصيده جميله جداجدا من شاعر غنى عن التعريف بارك الله فيك اخى عزيز نفس على مانقلت ودمت بخير وعافيه |
رد: من اشعار الشيخ ناصر بن حمد ال خليفه صح لسان الناقل والمنقول |
رد: من اشعار الشيخ ناصر بن حمد ال خليفه كن فيها رسوخ ٍ علّمته الجبال .. وكن فيها شموخ ٍ علّمته النخيل .. تجمع الكل فيها من جمال الخصال .. بنت قلب ٍ رشيد وبنت عقل ٍ ثقيل .. كامله والله اللي يستحق الكمال صورة ٍ كل ما فيها فريد وجميل .. يعجز الشعر عنها حتى لو في الخيال .. كنه يقول يا ناصر ترى مستحيل وصف صاخب في جماله وعذوبه احرفه صح لسان شاعرها ومشكور .. عزيز نفس على النقل الرائع والجميل ردو8 |
رد: من اشعار الشيخ ناصر بن حمد ال خليفه الفله المقحم اصايل نجد شكرا لكم على مروركم . |
رد: من اشعار الشيخ ناصر بن حمد ال خليفه كلمــآت رآآإئـــعه .. سلمت ذآإئـــقة علىالأختيــــــآر العذب لهذه الكلمات .. تجولت بين حروفهــــــــآ .. فرآقت لي عذب مشـــــآعرهــــــآ .. أبدعت وسلمت ..على هذا التميز ..~ لآتحرمنـــــآ جديد طرحك الممتع |
رد: من اشعار الشيخ ناصر بن حمد ال خليفه اختيار جميل راق لنا الله يعطيك العافيه |
رد: من اشعار الشيخ ناصر بن حمد ال خليفه يعطيكم العافيه أخواني واخواتي وهذي من أشعار الشيخ ناصر بن حمد الخليفه :: زاهية يالمملكة ::. يا هجوس الشعر فزّي يا هجوس دام جالك في وسط قلبي مجال والبسي يا دارنا أحلى لبوس وانثري ورد الفرح والاحتفال كل عام ٍ وانتي يا بلادي عروس زاهية يالمملكة هيبه وجمال وانتي عيد ٍ واحتفاله بالنفوس وانتي لوحة عبقرية الخيال من غلاتك ما نبي ترابك ندوس لو مشينا نمشي فوقك بالعدال واحنا يا البحرين لو راسك نبوس ما طلعنا من جزا فضلك محال كم تعلمنا على حبك دروس والوفا لك يا وطن ما به جدال وانتي شمس المجد وأمجاد الشموس بك رجال العز وبك عز الرجال بك حمد راس الزعامة بين روس قايد النهضة وبه طيب الخصال الحكيم اللي يقوس الرأي قوس الكريم اللي عطاياه الجزال يا جعل دربه مع الوقت امحروس والله يحفظه من صروف الليال وكل عام ٍ وانتي يا بلادي عروس زاهية يالمملكة هيبة وجمال |
| الساعة الآن 06:36 PM |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd
الحقوق محفوظة لمنتدى قبيلة عرمان الرسمي 2020م
HêĽм √ 3.1 BY: ! ωαнαм ! © 2010