قبيلة العرماني - (آلصمت).... له عندي معزّه ومقدار

قبيلة العرماني (https://www.arman-azd.net/vb/)

- مجلس الأدب ( شعر ، نثر ، قصص ) (https://www.arman-azd.net/vb/a-12/)

- - (آلصمت).... له عندي معزّه ومقدار (https://www.arman-azd.net/vb/a-12/a-5506/)

(آلصمت).... له عندي معزّه ومقدار

(آلصمت).... له عندي معزّه ومقدار
في زحمة الأفواه .. يا مزين الصمت!!

لا صار.. بعض البوح عند البشر عار
لو يشتعل جوفي.. حشى ما تكلّمت!!

تعبت من قولة:(علامك)و وش صار ؟
وان طحت ما ألقى سوى كلمة(سلمت)

واعذار... أخلقها ..ولو مالي أعذار
مشّيتها مره .. ومرات ما رمت..!!

كذبة صباح الخير/ يا صبح.. الأنوار
عذري.... ليا عدّت ليالي ولانمت؟!

اسهر طوال الليل.. وضْيوفي أفكار
واقول لاْصحابي : نعم توّني قمت..!!

ما عاد فيني..... ألفت عْيون واْنظار
يكفي ....بأني من زماني تعلّمت!!

ان الصدر بيتــ ٍ.. وسكّانه اسرار
نيّام .. بس يصحون لامن تألمت..!!

يصحون.... ويناظرهم الجار والمار
وش عاد ينفع سترهم لو تكتّمت..؟!

آقدّم أقدامي ...على درب الاصرار
أمشي ...ولكن للأسف ما تقدّمت!!

النار قدامي .. ومن خلفي.... النار
والعمر يمضي بي...وأنا ماتولمت..!!

إليــن ذاكـ الحلم ...في لحظة نهار
وأنا مع.. لحظة .. سقوطه تحطمت..!!

حتى جروحي كثار وتناهيدي كثار
لكن على كثر المواجع تبسمت..!!

ثم ألتزمت الصمت وأعزومي كبار
ولو يشتعل جوفي حشى ماتكلمت..!!