قبيلة العرماني - شــكــــرا عــــلــى جــــرحـــك { وعــيـــد مــبـــارك }

قبيلة العرماني (https://www.arman-azd.net/vb/)

- مجلس الأدب ( شعر ، نثر ، قصص ) (https://www.arman-azd.net/vb/a-12/)

شــكــــرا عــــلــى جــــرحـــك { وعــيـــد مــبـــارك }

يمكن تبيني بس مَ عدت أنا أبيك !
وردي ذبل في غيبتك - وانتظارك

مَ عاد يمديني - وﻻ عاد يمديك - ،
الوضع سيّء - مَ أظن - يتدارك !

- خلآص عادي - ﻻ تجيني وﻻ أجيك !
خل نفترق مع احترامي لـ / قرارك ،

حرام تجرحني - وأنا أحتمي فيك !
وأجيك , وتمارس عليّ انتصارك ،

الله يهديني ف - بُعدك - ويهديك ،
ويشفيني منْك ومن مرض إنتشارك !

كل عام وانت بخير من قبل أخليك ،
أخاف - ما أقدر - أدق ، / وأبارك !

تقبّل الله طاعتك - جرح مغليك -
معذوُر به - لو ما بديت - اعتذارك

العيد قرّب / وأنت جتني عياديك ،
أثريتني - إحساس - رغم افتقارك !

عايدتني بـ / غيابك وجيت - أهنّيك :
شكراً على جرحك - وعيدك مبارك - !