قبيلة العرماني - اللي مشى درب الصحيح يجيه الخير ولا يبيد

السلام عليكم ورحمة الله وبركاته

هذه قصيدة للشاعر عنفوش بن مسيب العرماني

ياالله ياللي تعـــلم الخافي وتفعـــل ماتــــريد .. ياكــافلن رزق الاوادم دقـــها مـــع جلــها

انت الكبير اللي لك الحكمه وحنا لك عبيد..وانت الخبيـــر اللي علـــيم بالخـــوافي كـــلها

وانا رصيـدي طلبت الله يـــوم كلن له رصيد..اقولها واللي عقــد رووس الحبـــال يحــلها

يالادامي لاتفتخـــر والمـوت في حبل الوريد.. بالاخرة ماينفعـــك كثـــر الفلـــوس وقــلها

ترى القطار إٍليَ مشى يمشي على سكة حديد..وإٍليَ لقــيت المنحـرف جنب دروبه خـــلها

ياشلة الارهاب من دمـــر بلاده مايفيــــد..هـــذا خطأ واهل الخطايــــا خابرين سجــــلها

كلن تغرب عن بني عمه وقام يعيش بالدنيا وحيد..اصحوا من الغيبوبــه اللي بالخلايا كلهـا

اللي مشى درب الصحيح يجيه الخير ولايبيد..واللي مشوا درب الغلط كل العرب ضدا لها

مـــرحوم ياعــــود شرى للمملكه ثوب جديد..اتـعب ظهــــور الخيل فارس نجد لين احتلها

اسس حدود الامن في بيت القريب والبعيد .. وخلى القلوب اللي تنـــــام بغـلَ تنسى غلهـا

والصقــر عقب له صقور كل ماهــدت تصيد .. وفعـــول ابو تركي تشرَف كل ماجـاء حلها

واليوم زاد الخيروايــام الفرح قامت تزيد .. في حكــم ابو متعب دروب المرله ضاري لها

الحاكـــم اللي مع اهل الطـــوله يفيد ويستفيد .. كم دولة متضـــرره من مــدته يرسـل لها

ولي عهــده عند حــزات اللاوازم له عضــيد .. تـــاريــخ ماينسي يــوم السيوف وســـلها

وعودتك ياسلطان للشعب السعودي يوم عيد .. وايامك اللي مقبله عسى الولي يمهـــل لها

الشعب لاشافـــك سعيـــد يعيش بالدنيا سعيد .. والخير في وجهــك انشاف وشوفتك مانملها

والنايب الثاني يوجـــه للعقيد وللعميد .. يمشي على السنـــه وصعبـــات الامـــور يحـــلها

يالله تجمـــع شمـــلكم بالخيــر والحبل المديد .. واهل الفتـن يقضي فتاينهـــا ويكثـــر ذلها

وحنــا مشينا بالكـــلام الصدق والعلم الاكيد .. وملـــوكنا مثل الجبـــال اللي يظـــل بظلها

وصــــلاة ربي عد النفــــذ وابيــــات القصيد .. على النبي اللي له العـالـــم تصـلي كلها