قبيلة العرماني - ( اغراب صرنا ) !

؛؛؛ السلام عليكم ؛؛؛

أغراب صرنا ., بعـد طعـم الفـراق المريـر
من يوم قل الهـوى والوصـل والإهتمـام .!

بعـد أفترقنـا ., وسلّمنـا ل حكـم المصيـر
إذا التقينـا ., سكتنـا بعـد نطـق السـلام .!

أحـس مـن بيننـا فجـوه ., وحاجـز كبيـر
وإحساس يفرض علي ., أسكت وعندي كلام .!

صرنا نصف الحكي سطحي ., ونكـذب كثيـر
ونقول : يبقى الغـلا والصـدق والإحتـرام .!

تقولـي بخيـر ., وأدري حالتـك مـو بخيـر
مثلي إذا قلت لك : عايـش وحالـي تمـام .!

ب فراقنا طار مـن بيـن المعاليـق ., طيـر
أتذكر آخر علومي فيـه ., شـق الغمـام .!

أحيان يطري علي طـاري ., وأفكـر وأحيـر
معقولـه إنـك تبـدّل فـي غرامـي غـرام؟

وأحيان ودي تحـب إنسـان ثانـي ., وأغيـر
وأحيان ودي تناسانـي ., ولكـن : حـرام .!

بعـد الغنـا كـل حـسّ يمـر صـدر الفقيـر
لا صار تايه بـإرض الله ., ومالـه مـرام .!

عمره شجر حتت أوراقـه ., ووقتـه هجيـر
وحيد حتى من إظلاله ., وسـرب الحمـام .!

تجاربـه كبّـرت عقلـه ., وعمـره صغيـر
كـم مـرة ٍ طـاح ., لكنـه تبسّـم وقـام .!

أزعـج خيالـه وتفكيـره ., وعقـل الشويـر
يبغى وطن ., كل قلب يعيش فيه ب سـلام .!

وياللي فؤادك مـن الطيبـه يلـف ب حريـر
علمني أنسـى لياليـك القديمـه ., وأنـام .!

أحاول أحجبـك عنـي ب الكتـب ., مايصيـر
أقراك في كل صفحه ., وأنتشـي ب الهيـام .!

الناس قالو : تشـوف الحلـم عيـن الضريـر
وأنا بعدك الضرير اللـي يشـوف الظـلام .!

مما راق لي

اتمنى تعجبكم