" هونها وتهون "
عجبني هالموضوع وحبيت أتكلم عنه ..أستغرب من بعض المواقف إللي الواحد يهول من الأمور فيها وإذا إطلعت عليها لقيتها ماتستحق كل هذا التهويل
دايما يقولون أصل الشرر شراره ، ليش نهول من الأمور ونكبرها قبل لا نقيسها بالعقل أنا ما أقول إن كل الأمور نهونها وإلا صرنا بارديين غير مبالين،أنا أقول إنا نشوف الامور على حالها ونتصرف برد فعل يناسب هذا الامر لا تهويل ولا تهوين يعني نعطي كل شيء وكل موقف حقه ..كل واحد فينا تمر عليه باليوم مشكله ممكن تكون صغيره وممكن تكون كبيره وهذه الحياه دواره وأنا لازم أدور معاها ودايم الانسان مبتلي..ما أهول من كل مشكله تصير لي ولو سويت جذيه كل المشاكل إللي بتمر علي بتخليني سلبيه لأنني كبرتها ، وماعشت لليوم الثاني بالاشياء الجديده فيه وقفت نفسي بمشكله خلاص راحت مع يومها..لازم نتعلم نهون من الاشياء إللي تصير لنا علشان نقدر نعيش، أنا ما أقدر أعلم الناس ولا أربي أخلاقهم ولا أقدر أقوم سلوكهم هل معناه بتضايق من كل كلمه تنقال وخاصه إذا عرفت إنها مو بمحلها لا ولا ولا عمري مافكرت إني أرد كلمه جرحتني بمثلها ولا الإسائه بمثلها ، وما أقول أنها ماتجرح بلا تجرح بس شنو فايده كلمه بكلمه...يمكن أرد الموقف بموقف أحكم منه يعرف إللي قدامي غلطه بدون ما أجرحه وبنفس الوقت أهون من الموقف وأطلع أكثر من عذر للي صار علشان مايشتغل الشيطان وألف سالفه وسالفه يجيبها ويكبرها بعقلي لأن وقت الزعل الواحد يصير ضعيف داخليا ويستقبل إي كلام يواسيه ..دايما تعلم كيف تتجاوز صغائر الأمور, فأنت أكبر من ذلك.ترا التهوين فن يبيله أعصاب وناس فاهمه وتقدر الموقف ولها طوله بال وهذا أهم شيء..كنت أقرأ قصص لرسولنا صلى الله عليه وسلم وأتعجب من قدرته على طوول البال وتهوين الأمور وهذا إللي خلاه يوقف بوجه أعداء الدين ..شوفوا هذا الكلام
يـقـول الإمـام إبـن تـيـمـيـة كـلـمـات خـالـدة هـى "مـاذا يـفـعـل أعـدائـي بـي إن قـتـلـونـي فـقـتـلـي شـهـادة وإن نـفـونـي فـنـفـي سـيـاحـة وإن سـجـنـونـي فـسـجـنـي خـلـوة أنـا جـنـتـي فـي قـلـبـي وقـلـبـي مـلـكـ ربـي" لـم أرى فـي فـلـسـفـة الـتـهـويـن مـن بـعـد الـنـبـي صـلـى الله عـلـيـه وسـلم أشـد مـن هـذا الـمـوقـف!!
أخواني وخواتي:
هذه الدنيا مو سهله بس نقدر بيدنا نسهلها ونستمر فيها لازم كل واحد يكون مدير نفسه وربان حياته يديرها للطريق الصح ويتذكر مو الظروف إللي تصنع الرجال لا !!! الرجال هو إللي يصنع الظروف والدليل ياما ناس وناس مرت عليهم مشاكل ماغيرتهم ويمكن زادتهم سوء ،، ودايما إخواني وخواتي أطردوا الأفكار السلبيه من تفكيركم وخلكم لينين في التعامل والتفكير
وإذا سمعت سالفه لاتهولها بالعكس هونها علشان تصغر المشكله وتقدر تتصرف بعقل ومثل ماقالوا هونها وتهون وهذا الموضوع قبل لا أقدمه لكم أقدمه لنفسي علشان أعرف أمشي مع الأيام
| 
العرض العادي
