|
حلو المعاني
((حلو المعاني))
ياحاضرين الشــعر يالربع القــــروم
ترى مقابيس الشــــعر قيــفانـها
الليــل غاب النــجم منه وله نجـوم
حلــو المــــعاني بـدلن ميــــزانها
الشعر مقباساً وله حبة اخــــــشوم
وجـا وسلمــــى ماتغــــير جالــها
الليل نسريبه مع القـــــــمراء لزوم
على الجيوب اللـي تقرب دارهــا
قلبي نحابه من على خده وشــــــوم
صـــنايع العطـــار محـدً شافـــها
اسمه وشكله راسمه باحلى الرسوم
بين الضــلوع المحــدبه مســكانها
العين عــين موحَشـــه اقفـت تحــوم
يحـتار به راع الــنـظر لاشــافــها
اقفت تحوم وماكرة هضب الجـــموم
بين الجبـال الشـــامخه ميــقاعها
ماهـي هجـين وقفـت بدنـات ســوم
عيـن الوحـش يطربـلها صـقارها
ان جيــت ابقــعد عاجزٍ والله اقـــوم
محتــار بالي والــفـكر يبــرا لــها
ريمـيةً تاقــف على روس الحــزوم
نجل العيون وسيف حد حجابــها
اليا مشـى كنه من الخــلف محـزوم
وجدايــله فـوق الردايف شالــها
سبحان من خــلاه في زينــه يهــوم
زهـرة ربيــــعاً فايــحاً ريحانــها
يـــاالله يالمعـــبود يــاربٍ رحـــــوم
تلـــطف بعبــدٍ مغرمن غنـــابـها
ليلي قضـــيته بالتــــقلب والحـــلوم
وغيري مريح بنومة يهـنى بها
خلـي بعــيد الدار والــبال مهــــموم
مدري وش اللـي جابنـي بديارها
يالله عــســـى يوم لقــيته به يــدوم
ويجــدد الوقـت البـطي ميــعادها
لا ذعذع الغربي بدى وقت الوســوم
يارد عـــلى عدً قديمٍ جالـــها
عدٍ لقــيته يوم حظـــي بــه وقـــــوم
ركز النـــهود وطلــعهن رمانها
من شاف حالي قال مايلحــقك لــــوم
قبــلك كثــيرٍ كد طرق بيـــبانها
له لهفة وسط الضماير ومحـــــشوم
حشمت معزه وافيه من شانهــا
ادفعله الغالي واكف لفـــــح السمـــوم
من شــان ماقــالوا حبيبه خانـها
هذيــك خـفرات العــذارلـه تشــــــوم
طرق العيون ورمشهن يزهابها
خوفي على نفسي من الفرقى تصوم
وسرايري عنــد المــلا يحكابها
أدفــن هــمومي عند عــلام الغــــيوم
ربٍ رحـــوم وعالم بســرارها
// الشـــاعــر ابـــــومـــســـاووووي
صقارالشمال
| 
العرض العادي
