يشمل حجازه ونجده والحدود...
كتبتها قبل شهرين واليوم انزلها هنا
اتمنى ان تعجبكم
بطلب اللي مايخيب من رجاه
الكريم المعتلي جود بعطاه
باطلبه والخير عنده وان دعيت
يقتبل دعوات عبده وان دعاه
يرزق ابلادي بنون فيه ديم
ورحمته تغشى سكونه من سماه
يشمل حجازه ونجده والحدود
وفي سدود المملكة يغنيك ماه
والصحاري مع نفوده والهضاب
تبهج الي ذوده يباري حماه
وان برك حاشيه مايدري منين
بين زملوق ربا مع قحوياه
والخزامى بالفيافي والفياض
والنفل يزداد نبته وان سقاه
فرحتن ننسابها ظلم البشر
ومانشوفه من فجور ومن طغاه
طالبك ياالله يارب كريم
تحفظ الدوله ومن هي في حماه
وتنصر الاسلام والدين الحنيف
وترحم بعفوك ولطفك يا الاهه
| 
اخي المقحم شكرآ لك... 
العرض العادي
