هذه قصيدة للشاعر مفدي سميليل العرماني
شف نيتك مطيتـــك وارتحــلها ....ينهــار جدرن مايجــوَد له السـاس
نــاس تعيش وعايشه في حِيلها...من عــاش بالحيلات يرجع للافـلاس
لاسُعلت بالله كلمة الحــق قلها...اكسب رضا مـولاك لو تزعل النـاس
الناس لـولا الارض مـن يحتملها...رحمـه خلقها خـالق النـاس للنـاس
وزلة رفيقك يابن الاشراف شلها..ان ماحتوى بالصدر لاتدري النـاس
والنفس حـذره لاتبين زعـلها ...لو ان قلبـك فـوق جمـر من محـمـاس
النفس عزه يافتى لاتخذلها ...مشيك على درب الشرف يرفع الـراس
لاتغـرك الايـام في طـول امـلها ..يالادمي خـلك معك فكـر واحســاس
اغنمها من قبل تـاكلك كـلها ....عـزز رصيـدك قبل غـوار الانفـــاس
وين الرسوم الباقيـه وين اهلها ..صعـول الرجال ومتعبـة كل عرناس
لو تذكـر الوديـان حي نزلهـا ...ارض خـلا ماتقـل داجـوا بهـا الناس
النفس بيـد الله رزقهـا واجلهـا ...الله رحـوم ورحمتـه امـامنـا يـــاس
مخلـف مـن الابيات سجل مثلها... سجل جوابي يابو مشرف بقرطـاس
ونزال طبع الناس من طبع اهلها ...مذهب ذهاب ومذاهب فض ونحاس
ماكل من يبغى المــراجل ينلها... يقـصر ردي البـوع مايـاصل الـراس
به شـوحة حبـل الردي ماوصلها ..تبغى الرجال الصبر والعزم والباس
ليا كبرت الغــارات تبين اهلـها ...يبين فعـل الذيب مـن فعـل الابسـاس
العرض الشجري
