" يا مقرسين الطير "

11-05-2010, 05:13 PM

[align=center][tabletext="width:100%;background-color:skyblue;border:1px outset black;"][cell="filter:;"][align=center]

هذه قصيدة (( في القنص )) للشاعر : جــازي عسكــر العرماني

" يـا مقرسين الطيــر "

يامقرسين الطير سووا محله .. خلوه يستانس ترى القيض جاء فيه

سـووا له المربط عدل لا يتله .. مـن خوف من شي يجــرح مواطيــه
ولاصــار ريش الطير مــا فيه خـِله ..يونــس اللي بالمـــلاويح يدعيـــــه
ولابـــاينت روس المــزون المظله ..والسيــل عــم المملكه في مبـــاديــــه
كلن يـولم للسفـر عزبتن له ..مـن فــوق جيبن نــــازح البعـــــد يـدنيــه
ودور خـوين بالسفــر ما تمـــله..وإلا الـردي خـله ولا تـشتـقي فــيـــه
والله على فنجـــــال بن بدله ..في مـــاقع راعي الغنـــم ماســـرح فيـه
عشبه من الوسمي يتــذرى بظله ..والقعي والحــزم بالنبت كـاسيــــه
وفيــه الحبـــاري واجده جرتن له ..وممـراحهن والخرب بـيَن مواطيـه
ومعك اشقرن تــوه على علم تله.. واليا فعـل طيــرك تحبـه وتغـليـه
يامحــلا بالروض ومكـورن له .. والخــرب قــدامـه ينفــضَ علابيـه
شــله على قــــدام في مخلب له .. وريــَع عليــه وجـوَده في ثناديــه
وهذا من القلب ودايمن يتله ..وراعي الولع محدن يلومه بطاريـــه

[/align][/cell][/tabletext][/align]