|
قصيدة في حاكم دبي محمد بن راشد ال مكتوم يحفظه الله
[poem=font="simplified arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black""]
الله على اللي خطها فوق مرسوم=بالبوصله بالجو سهل اتباعه
بعلم الملاحه له علامات ورسوم=في شاشة الرادار مثل الاشاعه
من دار عبدالله وانا دوم محشوم=تاصل لدار الشيخ زايد بساعه
طيارها دارس حسابات وعلوم=والكيميا والفيزيا له اتباعه
تزرق تقل دلفين ضاري على العوم=لاتلها الطيار قبل ارتفاعه
وترقى مثل فرخ البحر لاطلع حوم=رفيف جنحانه يزيد اندفاعه
وتروج في جو الامارات وتحوم=حومة وفا لاهل الوفا والشجاعه
وتهبط مطار دبي عند ابن مكتوم=خيرت شيوخ الارض علم وبراعه
حاكم كفو وان قلت مانيب موهوم=كل شهد نظرات رايه وطاعه
الساس ابن مكتوم والخال صيروم=سند خليفه وابو خالد ذراعه
مبهر عيون الغرب والعرب بسلوم=بفن العماره وفطنته باقتناعه
شمس مابين شموس تشرق لنا دوم=ناشر على روس المكارم شعاعه
شفت العرب والغرب بدبي ملموم=بضافته يمشون مثل الجماعه
من طيب نياته منزُه عن اللوم=العز راسي في محيطه شراعه
وجزل بجود ان جاد من دون مايسوم=كنه من اطرف سوق خاطف بضاعه
الى مشا غيث نشا سار ديموم=والى وقف ظلل سهول ورفاعه
ميم وحا مع ميم بالدال مختوم=اسمه سمي النور راعي الشفاعه
ياسيدي وان جيت ضامي ومحروم=من حاجة للعين لذة متاعه
حاجه بسيطه وانت فارس وشغموم=يامن على الطولات طويل باعه
ودي بشوفك يوم والا ربع يوم=ياسيدي والمال ماهو طماعه
جيتك ماشلت هموم ولاشلت لهدوم=شوفتك كنز وكنز ضيفك قناعه
بدبي وكني بين هالشعب معزوم=وللسبع سبع انعام يابو السباعه
احمد وراشد عز وماجد ومكتوم=وحمدان بشيل الحمل عنده بتاعه
ولي عهد الخير ضاري ومفطوم=ومحنك بالمهد قبل الرضاعه
على الوفا وله سهم يعادل سهوم=بالطيب والمعروف مليان صاعه
وان جيت انا لدبي ضامي ومحروم=من حاجة للعين لذة متاعه
ابا امدحك بالصدق ولانيب مذموم=وعن الجفا ياشيخ عندك مناعه
الاوله لاعمار ولك دايم تروم=ياسيدي وتقول سمعا وطاعه
بكفك ردمت البحر باصرار وعزوم=حتى تفاخر سطح بحرك بقاعه
وكم من كفيف عاش ياوهام وحلوم=وودع بعد مانال عطفك ضياعه
والى زهمت الشعر ينصاع منظوم=تاقف مواقيف الشرف باستطاعه
ذكرت ربي كن دارك على الزوم=زوم الفخر ماهوب زوم اللكاعه
يمسك بريك العلم ويصير محسوم=عندك يانور دبي ساس السناعه
وتدرون ليه ان قلت صادق وملزوم=لفتة ابن مكتوم تغني مجاعه
وصلاة ربي عد ماهلت غيوم=على نبي الله راعي الشفاعه
[/poem]
| 
العرض العادي
