مواجيب العرب
اطرح لكم هاذي القصيده بعدما اهديتها لابني واتمنى ان تنال اعجابكم ...* لكم القصيده
( يـا...... ) الرجل نومه تخافيت
يفز من نومـه وعيــنه جفــاها
نوم الولد يشبه الى نومه الذيب
ماطاع عينه نومها لــو غفــاها
خلك ول والفعل يضهر له الصيت
صيتا ينومــس طيــبا مانـساهــا
خلك شفوق والمنتهى العز والطيب
وخلك على العلــيا تــطالع سمــاها
وخطواك مشي الاش لو بيه حديت
.والرجل لاتفتح مــجــال ابخــطاهــا
ماشي سليــمين الرداء والـــعذاريب
الي ينومــس خــوتــه وان مــشاها
ان رحت هلابك وان جــيت حيـــيت
قلبه نضــــيف وعشرتــه مانـــساها
وخلك لضيفك فاهـــما بالـــمواجيب
رحب وهل وبسمتــك هــي دواهــا
واثن التحيه يا......... لــيا جيــــت
وقلط دلا لك والحلـى مـع شواهــا
من بعدها فـك المـقلـط بتـرحــيـب
.وصينيه الضيفان كبشه حــواهــا
هذي مواجيب العرب لاتـــماديــت
مايجهله ياكــود عفـــنا جفــــاهـا
وافطن لدينك ياافتى الجود والطيب
.خلك لخمسك مجتهد في بــــناها
هذي منات العمر لامن تمنــــــيت
وش خانت الانسان لامن نســـاها
ياراس مالي هقوتي فيك متخــيب
وانت الرجاء واسمك سمو العلاها
افداك يامــسندي يـــاذرى البـــيت
وعساك لطاعات تمـــشي قـــداها
ويحفظك ربي عالم الجهر والــــغيب
.يافرحت عيوني وصادق رجـــاها
رجاي بك وافرح لامـــن اطريـــت
شهادتن علــــيا ينومـــس لقـــاها
والرجل لاشبه بسرحان هالذيــــب
هو مصدر الهقوات لامن هــــقاها
واختامها صلو عدد طايف البـيت
واعداد ماهبت هبايب هواهـــا
على شفيع الخلق في ماقف أمهيب
الي على هــديه ا لأمـــه هداهـــا
| 
العرض الشجري
