|
حان الوداع وما بقا غيـر لحظـات ..!
حان الوداع وما بقا غيـر لحظـات
ومن عقبهـا كـلٍ يـروح بسبيلـه
حنّا تجمعنـا علـى الـود بسكـات
وبسكات ننهـي عشـرةٍ مستحيلـه
عشنا الهوى بين الشقا والمسـرّات
ذقنا مـرار الحـب مـع سلسبيلـه
كنت لعيوني تكتب ابـداع الابيـات
وانا لأجل عينـك كتبـت الجزيلـه
واذا اتعبك حمل الزمن قلت لك هات
وان مال حملي من يدينـي تشيلـه
وياما علشانـك طويـت المسافـات
وشوقـي جناحينـي وقلبـي دليلـه
ويامـا شكيتـك للنجـوم المنيفـات
يشكيني سهيل النجم واشتكـي لـه
وياما ويامـا حـزّة النـوم بالـذات
اطيافـك اتصيـر لحلومـي بديلـه
وياما بغيتك لـي بكـل الوسيـلات
والغايـه تـبـررّ دواعِ الوسيـلـه
وياما انتظرت لموعدٍ منك ساعـات
ابكي لعقرب ساعتي وانحنـي لـه
فرقاك موت وتسبق الموت سكرات
الله يبيـح الذكـريـات الجميـلـه
واللحظه اللي ما على خاطري جات
ان الهـوى يفنـا بيـومٍ .. وليلـه
،، دمتــم بـ خ ــير ،،
| 
العرض العادي
