يا هيه كانك ما تبا الناس توذيك...قيس المسافة بين مزحك وجدك
يا هيه كانك ما تبا الناس توذيك .... قيس المسافة بين مزحك وجـدك
بـيض السجـايــــا للمـعـالـي توديـك .... وســود النـوايـــا للمذمــة تــردك
لو تجتمع كل البشـر لأجل تغنيـك .... .من دون ربـي مـــدهــم مــــا يسـدك
الله هـو اللـي حـسـب نيتــك يعطيـك .... ما فيه جود(ن) مثل جوده يمـدك
اعبر على وضـح النـقــا ليـن يـاتيـك .... عـلـم الـيـقـيـن وخــالـقــك يستـردك
لابــــد مـن دورات الأيــــام تـطـويـــك .... ويفقــدك من كــان أول الـعـمــر نــدك
لا تقترب من واحـد(ن) مــا يدانيــك .... ولا تـلتحف بلحــاف مـاهـو بـقــدك
سـاير ظـروفــك لا تعلـم بطاريــك .... كم واحد(ن) يضحك معك ما يودك
وكم واحد(ن) كنه صديق مـصـافيك .... واليا اندرقت أفشى مع الناس سدك
وكم واحد(ن) يشناك لو كان يغليك .... وكم واحد(ن) يمدحك لو كان ضدك
احفظ غــلا اللي بالـمـراجـل يوصيــك .... ولا عــــدت فـعـول المـطــاليـق عـــدك
وأحــذر عـــدوك لوعــدوك يـنــاديــك .... صبر(ن) جمـيل ولا علوم(ن) تحدك
| 
العرض الشجري
