المرأة الخاينة وبنت الرجال

السلام عليكم ورحمة الله وبركاتة


اود اروي لكم قصه من عبق الماضي اعجبتني فوددت ان اوصلها لكم لعلها تعجبكم









قبل ممكن 100 سنة او يزيدون كان فية شايب حكيم بكل معنى الكلمة المهم ما لكم فالطويلة

الشايب هذا مدرهم (معه فلوس) ومعه خير وكان عندة ولد ويبغى يزوجة ويفرح به .




قال يا ولدي انا ابغى ازوجك وافرح بك قبل ما اموت واشوف عيالك وانا رجال مريض ولا ندري الأعمار بيد الله والحين لازم تتزوج




لكن يا ولدي ابنصحك قبل لا تدوّر (نسيب) تاخذ من عنده ابوصيك وصيّتين




الأولة : لا تاخذ إلا بنت رجال




والثانية: خذ بنت مزيونه




قال الولد : تم يا ابوي انا انشاءالله ما ادور إلا وحدة عليها الكلام وإلا بالأصح ما عليهاااا كلاااام ....




قال الولد : دام هذا بيرضيك يا ابوي ابشر




طبعا الولد متعرّف له على وحدة جميلة ولكن مااااااااش ما هي بنت رجال ولا هم يحزنون طبعا الولد يحبها ...




راح الولد فكر واتخذ قرار وراح لوالده وقال يا ابوي انا لقيت النسيب ولقيت بنت الرجال الجميلة اللّي ما بعدها ولا قبلها والحين ابي اتزوجها




قال ابوه توكلنا على الله ......طبعا الولد ضحك على ابوه؟




المهم راحو وخطبو واللّي عليهم بالخير وكان الزواج نهاية الأسبوع اللي راحو يخطبون فية ..





تزوج الولد جا الشايب عند زوجة ولده فاليوم الأول قالها اسمعي يا بنت الرجال انا رجال مريض ويمكن اموت والحين فيه خزنه مسويها فالبيت فيها فلوس وفيها خير في غرفة نومي ما أحد يدري عنها غير انا وانتي وابغى هذا يكون سر بيننا؟




انا ما ابغى اعلّم الولد خايف يشوف الدراهم والخير ويتهاون ما يشتغل ولا يروح ولا يجي مع الرجال انا ابغاه يتعلم ويعرف ان الفلوس هذي ما جت إلا من تعب....




وانتي إذا شفتي الأبواب مقفله في وجهه افتحي الخزنه واعطية كم قرش وقولي من عند امي ولا ابوي ولا اخوي إلييييين تشوفينه صار ما عاد يحتاج شئ.




اخذت المفتاح زوجة الابن واثرها تلعب بذيلها مثل الحيه الرقطى؟




وراحت الأيام وجت مات الشايب المسكين رحمه الله والمفتاح مع حرمة ولده والولد ما يدري عن شي.





وصارت زوجة الولد إذا راح رجالها المسكين يدور عمل تقابل صاحبهااااا.؟




وتصرف عليه وتهدي له هدايا من فلوس الشيبة المسكين (جالسه على بنك)هههههههه




والرجال يكد ويتعب ويا غافلين لكم الله .(يلعن ام الغبنه)




جا الرجال في يوم وقال جهزي عفشي ياحرمه انا بسافر يقولون ان في حفر الباطن فيه شغل وفيه خير وانا رجال ابسافر واشتغل عشان تتحسن احوالنا ..!!





قالت الزوجه : تم .... قامت جهزت عفشه وسافر الرجال ووصل لحفر الباطن بعد اسبوع مسافه الطريق واليوم الثاني راح يدور عمل وبالصدفه يلقى واحد من اصدقاء ابوه الكرماء الأوفياء وهو شيخ قومه !!




المهم قاله وش جابك هنا ومخلي حلال ابوك ما عنده احد؟




قال : ابوي ما عنده إلا كم راس من الغنم وبعتها والبيت ومافي غيرها شئ.




قلنا ندوّر شغله تجيب لنا كم قرش ....قال الرجال يا ولد ابوك معه فلوس معه خيير كيف الكلام هذا!!!




وبعدين ابوك ما وصّاك بشي قبل ما يموت؟




قال الولد: ما أخبر انه وصّاني إلا يوم جيت اتزوج قال وش وصّاك به




قال : قال ابوي الله يرحمه لا تاخذ إلا بنت أصيله وجميله بس هذي الوصيه الوحيده اللّي وصاني وان كان تبي الصراحه انا خالفت الوصّيه تزوجت وحده جميله ولكن ماهي بنت رجال ...




قال صديق ابوه: سوّد الله وجهك يا مضيّع وصية ابوه ..... شف ان كان تبغاني اطلّع لك حلال ابوك تمشي معي وتاخذ كلامي ولا تخالفني مثل ما خالفت وصّيه ابوك




قال الولد : تم .......قال صديق ابوه : شف انا بزوّجك بنتي اليوم وابطليها (اصبغها) لك بالفحم وتسافر انت وياها لديرتكم وتروح البيت وتقول لزوجتك هذي عبده شريتها تخدمنا وتخلّيها تشوف لك اللّي فالبيت ان وضح لك شي وإن ما وضح لك شي على كل الأحوال تعال بعد اسبوع وبنتي لا تدخل عليها إلين تجيني وتعلّمني بالأخبار




قال الولد : تم ... اخذ الحرمه الجديدة المطليّه بالفحم واتجه للبيت والّي عليه بالخير وقال لزوجته هذي عبدة شريتها خليها تخدمنا وتريحك من شغل البيت .... قالت الزوجه ابرك الساعات ....(شغّاله من غير حن ولا زن يا مرحبا يا مرحبا )ههههههههه




جلست الحرمه الجديده فالبيت وكشفت كل الوضع ان فيه خزنه وان المره خاينه وأنها ما تصلح بريااااال




وقالت لزوجها .. قام الرجّال ضربهاا وطلّقها واخذ مفتاح خزنة ابوه .




وقال لزوجته الجديده تجهزي بنروح لبوك تأخرنا عليه .... تجهّزو وسافرو ويوم وصلو نص الطريق وسوس الشيطان للرجّال ودخل على زوجته الجديده مع ان ابوهااا وصّاه انه ما يدخل عليها




وصلو عند ابوها قال له : الله يبّيض وجهك ويعطيك العافيه تراني عرفت كل شي وفلوس ابوي كلّها لقيتها وقام يمدحه واثنا عليه مره ولا بقى إلا يقول له (تقبل مروري )هههههه





ولكن ترى ابليس اغواني ودخلت على زوجتي !!(خربهاااا)




قال ابوها : انا ما قلت لك لا تدخل عليها ولا تقربها الين تجيني خالفت كلامي زي ما خالفت وصّيه ابوك الحين انا ابغاك تدفع ثمن غلطتك مع ابوك ومعي وانا بقطع يدك اليمين من الكف ولا اقبل غير هالكلام هذا وبكره بعد صلاة الفجر تطلّع ايدك من الشباك(الدريشه) وانا ابقطعها ....




قال الرجال : الحكم لله وش نسوي ..... راح لزوجته وقال لها هذا العلم وما فيه




قالت : تنقطع ايدي ولاايدك يااااا حبيبي ......شف انا حرمه ولا احد يشوفني إلا حريم زيي وإذا عيّبو علي بتحمّلهم على شانك ولا فيها شي حرمه ...اما انت كبيره بين الرجال ان ايدك مقطوعه بيقولون الرجال حرامي؟




قال الرجال : يا بنت .....قالت : ابدن مره .....قال : تدرين اجل خلاص تم حطّي ايدك وانا ما راح انسى لك هاالمعروف




طول عمري يا حبيبتي......





المهم : أذن الفجر وخلّصت الصلاه وجا ابوهااا عند الشباك (الدريشه) وهي تفتح الطاقه وتحط ايدها وعاد ايدهااااا زي الحررير ونسيت الخاتم في يدها




هنا عرف الأب يد ابنته وفتح(الدريشه) الشباك وقال لرجلها : هذي بنت الرجال الّي وصّاك ابوك تاخذ زيّهااا تقدّمت قبلك للقصاص وبتحفظ مالك وعيالك وتصون عرضك وانت رجال ان شاء الله انك عرفت وتعلّمت وانا ان شاء الله اني بكون زي ابووووك .................................................. .





منقول للفائده....انتهى