قصيدة محمد السديري
انتم حباريكـم تخافـق بالاقفـاروحنا حبارينا السمـك يالسنافـي
وبايمانكم شقر سريعات الاطيـاروالكل منهن ماضي الفعـل وافـي
ذكرتني يامير واصبحـت محتـاروجاوبت خلج البل حـم الشعافـي
وذكرت طيب ايامنا سـر وجهـاريوم الردي في نومة العصر غافي
مذكور يا نايف ذرا الضيف ومجارذكراك في قلـب بـراه الولافـي
قلب عن الشدات ياميـر صبـاران صد عن طيب الثنا كل هافـي
رد الأمير نايف على القصيده
يا خال روحتوا لنا ستة اسطـاررفاع المعانـي كملتهـا القوافـي
مثايـل يختارهـا كـل محـتـارمثل الرعاف بجيد ظبي الكشافـي
حييت فيها والتحيـة لهـا كـارما غرد القمري بروس الخوافـي
ليتك خوي لي الى شبـة النـارفي مربخ من وقدة الرمث دافـي
نبته جديد ما طلـع فيـه نـوارسقاه مامور من الوسـم ضافـي
ممطور أمس ولا مشى فيه دوارفيه الحبـاري مقبـلات مقافـي
اشيل فرخ واسهن وقـع وطيـاروعلى يسارك اشقر الريش صافي
هذا عدو الخرب للريـش نثـاروهذا الى طلع على الجو شافـي
ما كدر الخاطر طويلات وقصـارهروج هزيلة من رجال ضعافـي
من لابة يردون صعبات الاخطارما والفوا نوم الصفر والعوافـي
نقضي لنا وقت وندفن لنا اسرارالصبر زين وخير الأيـام تافـي
عاداتنا نقصر طويلات الاشبـاروعدونـا نسقيـه سـم زعافـي
الى عطل الواجب من الناس حبارنارد ولـو ان المـوارد عيافـي
نارد حياض وردها حامـي حـاروبيماننـا مصقـلات رهـافـي
لعيون تلع سوقهن ما بعـد بـارحديثهن لمجـرح القلـب شافـي
العرض العادي
