ام العبايا
ام العبايــــه هي اساس الجمايل
اطهر نساء يبقن وهن كل خيره
ياللي تعذرب في بنات الحمايل
عطني جمال يفوق بنت الجزيره
بناتنــا فيــــهن عظيم الخصايل
ولا عـــيونك بس فيهن ضريره
بنات عـز وكــــل ابوهن اصايـل
شيمه وحـشمه واسأل بكل ديره
الطيب فـيهن حــــضر ولا قبايـل
متربيــه والعيـــــن فيهن قريره
مامثلهن والله والشـــــــــك زايـل
فيهن حلا مــن صغرهن للكبيره
ماراح تلقى في حلاهــــن مثايـل
ومحـال تلقى لو تــَّــــدور نظيره
دين وحيا فيهـن وحسن الفعايـل
يسوّن بنات الغرب واطلق اميره
معجبك يعني بامهـــات الكحــايل
هيفا واليسا ولا روبــي الصغيره
متبرجه في كـــــل شـاشه تمايـل
من شــافها مسكيـــن فعلن تثيره
ماتســتحي ماهـمهـا قـــول قــايل
حسـبي عليهــن اخلـفن المسيره
الفرق واضــــــــح مايبـيله دلايـل
الـفرق واضـــــح لا ولا فيه حيره
بقلم/يوسف الخلف
| 
العرض العادي
