بالله ارجع
[poem=font="simplified arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black""]
بالله ارجع شوف وجه المدينه=تبكي شوارعها من اسباب فرقاك
حتى المباني من فراقك حزينه=الريح صوت ونبرة الحزن شباك
والليل بيح في غيابك كنينه=ينشد نجومه وين طلعت محياك
برد وظلام ودمعته وسط عينه=راح يتلمس في زواياه يمناك
كنه طفل غاب الفرح عن سنينه=يشتاق لك ويحن لك ويترجاك
والشمس تطلع تسأل الليل وينه=تقطع خبوط الليل من شان تلقاك
تاقف وتمشي كنها لك رهينه=تمشي وتاقف في سماها تحراك
ياصاحبي صاحبك الله يعينه=مااحدن درى وشلون حاله بلياك
عزيز نفس ولارضى بالغبينه=البعد يغبن والغبن كيف ينساك
من زود حبك صرت دمعه بعينه=يخاف لاتنزل رجوله توطاك
حال الفراق المر بينك وبينه=يرمي حبال الوصل يمك ولاجاك
شاعر صدى حرفه يترجم انينه=يموت حي لافقد مثل شرواك
هذا انا وجروح قلبي دفينه=تعال داو جروح بعدك بلاماك
هذا انا ودموع عيني سجينه=هذا انا ياصاحبي لاعدمناك
ارجع بدونك بيض الايام شينه=ياخي حرام ارجع ترى الكل يبغاك
بالله ارجع ضاق صدر المدينه=تبكي مبانيها من اسباب فرقاك
[/poem]
منقول مما راق لي
| 
العرض الشجري
