من اشعارالشاعر القديرلدى الجميع عضو لجنة التحكيم لشاعرالمليون حمد السعيد ...
اترككم مع أحاسيس شاعر غني عن التعريف مع وافر التقديروالإحترام لشخصه فقد قابلته اثناء تواجده بالشرقية في النسخه الثانية لشاعر المليون لاجراء مقابلات مع الشعراء وأقولها لله ان من تواضعه جاء قبل ان نأتيه وسلم علينا جميعا.
(( يا ضيقة الصدر ))
يا ضيقة الصدر وش باقي على بكره
يا طول الساعتين وطـول غربالـي
الليل كله وانـا فكـره وراء فكـره
ومن دلـة الهـم ماهزيـت فنجالـي
ما كنت اضن الحبيب اليا عشق يكره
الين جربت فرقا اللـي شغـل بالـي
اثر الجفا موت مثل الموت له سكره
يالله لاتقطـع الغالـي مـن الغالـي
من يوم قفا وانـا للمـوت ابفتكـره
والله ليبطي بقلبـي منزلـه خالـي
الطير لامن غدا ما عاض به وكـره
يقضي وفعله مـع المـده يورالـي
لا صار فعل وغلا بالقلـب محتكـره
في ضيقته يااخذ الاول مـع التالـي
كد قالوا الطيـر يـا وفيـه يانكـره
واقول نكاره العشـره بـروا حالـي
ارجع لموضوعنا السابق على فكـره
ماني بانا اللي مفارق بـس بلحالـي
البعد سـم البشـر مانـي بمبتكـره
عزي لمن جـرب الفرقـا وعزالـي
هذا الجفا موت ومثل الموت له سكره
يالله لاتقطـع الغالـي مـن الغالـي
ماهوب نيسان؟
ألا يانديبي فوق جيب ماهوب نيسان
ولا حط به خط تحت حرف قيطانه
مواريه ليتاته مثل بارق الرحمن
وليا من فتحت الباب حياك سكانه
ايورد علي الساير من صناعة اليابان
ضعيف المرتب ما وقف عند بيبانه
جديد بتي ما شاف خليف بالصمان
ولا داج به راعي الغنم عند رعيان
امصمم ابلوفه ما تعوذ من الشيطان
عليه المره في فترة الصنع زعلانه
اليامن كفخت اسليتره جنه الزعلان
جزع من محله فاقد اعز ورعانه
الياقبل يموه ابمقدمه جنه ابليهان
واليا اقفي مدبر جنه اطيار شيهانه
عذاب المسافه الياستوت والمقير زان
انومس غريب منوته شوفة اوطانه
ايا ساقه لامن تقهويت في الديوان
ونخيت الخوي ثم فز واشتل دخانه
توكل علي الله وحروتك مليت الخزان
ولا توقف الا ماخذ وصف ديوانه
ابتلقا حلي اللي دفع قيمته سلطان
علي الوصف ابوخالد دفع غالي اثمانه
عديم الوصايف واغتني من وراه اشنان
تعب ما لقاله برقع عند جيرانه
وقبل تلتبس فانشد عن امصخر القيفان
انا ما جذبني له سوي زين قيفانه
ولابه معرفه سابقه مع هاك الانسان
سوي سمعة مثل الزهر وسط بستانه
وعن الشكه انشد وين ضيدان بن قضعان
انا اقول ديوانه ابشرواه مليانه
ولا من عرفته قضبه حاجة الولهان
تعابير قلب شرع الوقت بيبانه
توطاه زلزال الشقي اول الهجران
مثل ما وطي اسطنبول واهتز بناينه
له الله حنينه لاتذكر هوي الخلان
مثل حنة اللي ضاربن خد هشتانه
يساقيه بالقيرات ومن فنه السكان
وهو خايف قولة توايرك هلشانه
عذابه من اللي جنها قايد الغزلان
عشقها القمر وامست من الزين رويانه
عذاريبها طول تثنيه غصن البان
تعبت انحني له وتثني علي شانه
وعين اليامن سلهمت جنها حاكم بطران
اليا طالعتني هزت القلب بركانه
وانا ويش ابي بك لو تغاليت يا الرمان
ولها مبسم تفجرت فيه رمانه
وعلي هون ياليل سهرتك شقي وحقران
لها ليل ياما نمت في حروت امتانه
وبلياك يا صبح تعبت انطرك سهران
لها صبح لا ، وجه ينور لجيرانه
اليا من غشاني وصلها جني السلطان
وليا من جفتني صرت من عرض صبيانه
تحكم ابوضعي جنها سلطة ادراغان
علي المنتخب يوم المبارات خسرانه
وتامر علي اوامر الظابط الفسقان
علي عسكريا حدته لقمة اخوانه
اتشره ولا تقبل مشاريه يا ضيدان
بلتني بلاها الله بمضيع ايمانه
يقولون وادري بالجفي طبه النسيان
وانا اللي عجزت انسي والاعصاب تلفانه
نصتك المعاني لا عدمناك يا ضيدان
تعابير قلب شرع الوقت بيبانه
الشيح
ماجيت منك وخاطري فيك يالشيح
ماجيت منك الا وانا خالصٍ منك
طرت على قلبي طواري المراويح
للديره اللي شوفها يعوضني عنك
الله اكبر كن مالك مساريح
بفياضنا ذي جرتك ذا تفننك
ماكن مريتو قنوصٍ مصابيح
من كثر صيدي عقب الامحال مسمنك
ودعت بك ربعٍ كرامٍ مفاليح
بعيونهم عشقٍ قديم لمواطنك
وانا دموعي مثل دمع التماسيح
ياموطني يالله عسى الخير يسكنك
يرزقني اللي منشي السحب والريح
وبلٍ يخلي كل روضٍ يجننك
واللي قعدوا عندي عساهم مرابيح
فقعٍ وصيدٍ وانت يالعجل ماارعنك
يالشيح دوك ايدي شهبٍ مجاريح
من قو بردك نشعلك ثم ندفنك
ولالقيت ابك الدفا وهبة الريح
كم ليلةٍ ازرت ظلوعي تزبنك
مثلك يبي رمثٍ وبيضٍ صحاصيح
ياذا المسافر تو بينت معدنك
روح..وباكر لالفيتو مشافيح
والله لادسس كل ماتشتهي عنك
يالشيح ماقصدي ملل يوم انا اصيح
يالشيح شوق لديرتي وانت ماازينك
يطري علي (خالد)عقب وقفة الريح
واهل دمعٍ لو تحسه يحزنك
انا اتحضن وهم وافز واطيح
وانت السحاب وكل نجمه تحضنك
,,,,,,,,,,,,
مات الجمر وقلوب الاحبـاب حيـه ..
. والموت لا ماتـت قلـوب الحبايـب
ياشيشتي لو فيـك ذنـب وخطيـه ..
. معاك احس اني عن النـاس غايـب
العام كانوا لي من الاصحـاب ميـه .
.. وقت الرخا لكـن جفـوا بالنوايـب
لاهنت يا قلبن شكـى مـن خويـه ..
. كم راس من طعنات الاصحاب شايب
مرات اقـول ان الخبـل يـا هينـه .
.. ولقيتهـم يشكـون ظلـم القرايـب
ومرات اقول النـذل لا رحـم حيـه .
.. واثر النذل في بعض الاوقات صايب
يا نفـس شيليهـا علـى السامريـه .
.. شيلة طرب ماعـاد فيهـا طلايـب
وش لـي بتنبيـه القلـوب العميـه ..
. وحنا في هالدنيـا دروب وركايـب
ابتغـزل فــي هـذيـك البنـيـه .
.. بنـت تفـل القلـب فـل الذوايـب
كـم بعثرتنـي واجمعتنـي هنيـه ..
. بنفس المكان اللي جمعنـا غرايـب
يا ضعفهـا معهـم وعنـدي قويـه .
.. منها غـدا ثلثيـن قلبـي خرايـب
مرباعهـا بيـن العيـون الشقيـه ..
. ومقيضها بيـن الجـروح العطايـب
ما اقول يذبـح زينهـا بـس هيـه .
.. تلفت لها قلب عـن الحـب تايـب
ولا اقول مغـروره ولا هـي خليـه .
.. فيهـا دلـع طفـل تبنـاه شايـب
جمـال نجـد وفتـنـة حايلـيـه ..
. وش جمـع الثنتيـن فيهـا عجايـب
اليا اقبلـت بيـن احسنـات وسيـه .
.. ياكثر ذنبي بين طيـب وغصايـب
واليا ادبـرت فـي دمعتيـن نديـه .
.. قلب معاها وقلب في الصدر ذايـب
راح العمر ما بيـن روحـه وجيـه .
.. ياكثـر غلطاتـي ولانـي بهايـب
شب الجمر مـادام الاشـواق حيـه ..
. وطف العتب والعمر ضحك ونصايب
,,,,
ثلاث الحمام اللي تعدّن علّي عصير
مصادير واليمّه علي حروة الجهرا
عراض الثنادي كلهن والجناح قصير
أنا أقول (زاجل) قول وأهل الحمام أدرى
عليهن طيارٍ لو يشوفه زبون (الجير)
قضب سبق طيره قولته عرضةٍ قشرى
ثواني وقفّن تقل قرطاس في معصير
وراهن جمعت الشوف بالعين لين أزرى
تمنيت لو مرسل سلامٍ مع التقدير
معاهن علي اللي وين مارحت له ذكرى
أبي ياصلنّه قبل تدرج مساء الخير
أنا خابره ذي حزّته لابغي يقرى
معاهن ثلاثتهن أبا طرش التعبير
أبي لانست وحده تصلّح لها الأخرى
أبي قولة إن فلان لو صار وضعه غير
بقت لك رسومٍ فيه من ليلة المسرى
تحت عينه اليمني بدا للسهر تأثير
وتمكن سواده من تحت عينه اليسري
عسي لاوصله العلم ويستأنف التفكير
أبي ينشغل فكره من الحين لي بكرى
تمنيت وصله بالفكر ماطلبت كثير
أبا اطري علي باله مثل ماعلّي يطرى
ألا ياعيون اللي تنهض وتل السير
لمحها بعينه يوم زالت مع المجرى
عديمٍ اليا من حل طاريه قالوا طير
تعلّم عليهن (فرخ) من يومها وأضرى
عقب ماوصل طلعه تحدّر دلو في بير
عليه الله أكبر لاضرب مخلبه يفرى
ضربها وغرّت منه مابالسوالف خير
وترقّا بأثرها مونسٍ ضيعته وأحرى
غدا مثل ضيعة ذايع الصيت طير (سمير)
سبب دعوةٍ لأمه ولا دونها مذرى
وعقب ضيعته جاب العوض فيه فاعل خير
عطيّة كريم أطباع مادوّر المشرى
أثر لاغدا لك طير تلقي بداله طير
فلا شك جرح مضيّع الولف مايبرى
منقول
| 
.gif "1 (58)")
فوت
العرض العادي
