روائع لـ \ دايم السيف

03-19-2011, 03:51 PM

بسم الله الرحمن الرحيم

دآيم السِّيف

روائع لِـ..// صاحب السّمُو الملكي الأمير:
خالد الفيصل بن عبدالعزيز آل سعود

من بادي الوقت، هذاا طبع الايَّـام ِ
عذبـات الأيَّـام، ماتمـدي لياليهـا

حلو الَّليالي تواري مثـل، الأحـلام ِ
مخطور عنَّي عجاج الوقـت، يخفيهـا

أسري مع الهاجس الَّلي مابعـد نـام ِ
وأصوِّر الماضـي لنفسـي وأسلَّيهـا

أخالف العمر، أراجع سالف أعـوام ِ
وأنوَّخ ركاب فكري عنـد، داعيهـا

تدفىَ علىَ جال ضوَّه .. بارد عظامي
والماء يسـوق بمعاليقـي، ويرويهـا

إلىَ صفالك زمانك .. عـلِّ ياظامـي
إشرب .. قبل لااا يحوس الطَّين صافيها

الوقت لو زان لك يااا صاح، ماداااام ِ
يا سرع ماتعترض دربك .. بلاويها !

حتَّىَ وليفك .. ولو هيَّم بك، هيـام ِ
سيَّور الأيَّـام تجـح بـه، عواديهـا

/
\
/

كلِّ مانسنس من الغربي هبوب
حمِّل النِّسمه سلام
وإن لمحت سهيل في عرض الجنوب
عانق رموز الغرام
لك حبيبٍ مانسى .. كلمته دايم عسى
أطلب الله وأرتجيه .. صبح يومي والمساء
* * * * * *

كلِّ زين أشاهده وإنتم بعيد
منوتي ليتك معي
وإن سهرت الَّليل أهوجس بك وأعيد
هلِّ لأجلك مدمعي
إنت هاجس خاطري .. وإنت فرحة ناظري
ياقريب ويابعيد .. فيك أمسي وحاضري
* * * * * *

نشوتك تلعب مع قطر المطر
وانتشى قطره معك
والسَّحاب يطاردك بين الشِّجر
خالق الزَّين أبدعك
الندَّى في وجنتك .. صار عطر بلمستك
والهوى غنَّى طرب .. تستثيره بسمتك
* * * * * *

كلِّ ماضمت عيوني منك طيف
يابعد كلِّ الطَّيوف
قلت مامثلك على الدِّنيا وصيف
لاحشا مالك وصوف
لاسحاب ولامطر .. ولانسيم ولازهر
ولاطيور ولاغزال .. ولامع باقي البشر

/
\
/

يا ضايق الصدر: بالله وسع الخاطـر
دنياك يازين، ما تستاهـل الضيقـه

الله على ما يفـرج كربتـك قـادر
والله له الحكم فـي دبـرة مخاليقـه

حلو العيون استهانت دمعها الحـادر
كفّ العباير حزين الدمع، ما طيقه !

حسايف الحزن، يغشىَ وجهك الطاهر
والورد في وجنتك حرآم تغريقـه !

يفداك قلب ٍعلىَ ما تشتهي .. حاضر
يفداك باللي بقىَ لـي مـن معاليقـه

ما فات خلّه ولا تهتـم مـن باكـر
وأغنم من اليوم ما ساقـت توافيقـه

/
\
/

استكثرك وقتـي علـي، وغدابـك
عادة زماني كل ما طـاب .. هـوّن

ليت الـذي ودّاك، يازيـن جابـك
تشوف عقبك كيف الايـام سـوّن ؟

شرق مشيت .. وغرب وقتي مشىَ بك
والقلب ماله لايـم فيـك لـوّ .. وَنْ

عقب الهنااا بك، ذاق لوعـة عذابـك
تلّونـت دنـيـاه .. ولااا تـلـون