غيث المزون !

01-11-2011, 05:24 PM

تدري إني لك غديت مثل ماإنتا تبي..

تدري إنك لي غديت شي ماودي يكون..

ساقني فيك الهوى ساقني فيك إطلبي..

كنت سالي في حياتي وأخلفني ذا العيون..

إطلبي فيك الغلا إطلبي فيك تعبي..

إطلبي شيِ خذاني في مساحات الشجون..

قبلكم قلبي نهيته ماأبي لا ماأبي..

ماأبي للحب طاري ماأبي جرح وطعون..

كنت عايش في خيالي لاقي(ن) فيه إطربي..

لا يجافي لا يباعد لا يعذبني يخون..

لين أنا شفتك بعيني وابتدا فيك نشبي..

إنشبي فيكم احبه إنشبي فيكم فتون..

كم رجيتك في ليالي وأنت عادك تلعبي..

مادريت اني أحبك ولا دريت إنك تمون..

والله إنك لوتباعد لآصلك لوهي حبي..

لو أشوف الموت دونك عمرنا لاجلك يهون..

انظر لنفسي واسولف وش سبا قلبي سبي؟..

وش حداني للمحبه والمحبه لي جنون..

احترق قلبي على باقي(ن) جمر حطبي..

احترق قلبي وانا عاشق(ن) قلبه حنون..

كم نهيته عن ودادك مير قام ويشجبي..

قايلن خلي واحبه خلهم لو يجرحون..

إيه أحبه والهوى مايوافق مطلبي..

ضامي(ن) قلبي وانا راجي(ن) غيث المزون..

غيث المزون !

مجلس الأدب ( شعر ، نثر ، قصص )