قبيلة العرماني - عرض مشاركة واحدة - بن جدلان : ويازين الديره اللي من حقوق الوسم ممطوره

12-24-2012, 02:08 AM

بن جدلان .. يقول في احدى قصائده الجميلة:

يازين المشي في الروض الخضر لاشعشع المخضار

يازين الديره اللي من حقوق الوسم ممـــطوره

يريح البال سجٍ في الفياض الخضر والمــسيار

ســعادة للقلــوب اللي مــن السلوان مســروره

متى عيني تشوف اللي على قلبي ربيــع ودار

أشاهد للسعاــده في حيــاة المجــتمع صــوره

ليــا هلــت مزونٍ فوقــهن تنـعو متيــن اصغار

على ذيك اللباب اللي من الريضــان مغمــوره

لامنه اصحى سما غر ا لمزون وشعشع النوار

ودجــاه أدلى اســدوله والقــمر متجــليٍ نوره

أشـــاهـد لـــي ب روقٍ دونهــا ربانــها تنــدار

تقول أكباس غــازٍ مــن ورى شــلال نــافوره

سبح ماهر خيالي في الخبــاري والبــرَد والنار

وأشوف الجـمر فـــوقه دلــة الرســلان منــحوره

هــذاك المنظر اللي ماتشــووفه في الحياة امرار

على شــوفه سبابيح الخيــال اتمــوت مقــهوره

حــرام أنــي مــا اهنــي راعــي المليــون والــمليار

ولاأهنـــي عربســات الفــضـــا دوره ومقــدوره

أعيــش بعــالمٍ طــول المــــدا يبــقى لــها تــذكــار

عليٌـــه بالــحـــرام انهـــا حيـــاةٍ مـــالـــها جـــوره

هذا وجه ا لصحيح ولا على وجه الصحيح أ غبـار

حقــيقــه ويتــمعــنها اللبــيب بــكامــل اشــعــوره