الظروف تبين الطيب على مبداه
على ضوء الصباح اللي تبسم بالشروق شفاه
تبسم في فياض ٍ من صـدوق المـزن ممطـوره
تحقق ياقصيدي في عيـون اللـي عـرف معنـاه
وعبر عن شعور الشاعر اللي عمست شعوره
طموحـه يدفـعـه قــدام وايـامـه تـعـوق اخـطـاه
ويرضـى دبـرة الخـالـق عـلـى عـبـده ومـامـوره
يعاني من خطـا هـذا ويقلـق مـن مشاكـل ذاه
يعـالـج مشكـلـة غـيـره ويـدفـع كــل مـذخـوره
ومهما صـار مهمـا كـان ماارخـى لظـروف اريـاه
عزيـز النفـس هاماتـه عــن الـهـزلات مقـصـوره
ولـو ان البشـر ذا الوقـت مالـه وجهـة ٍ وحــذاه
تسـوي فـي بعضهـم طيـب ماينفـع بـه بــذوره
صحيح ان الظـروف اتبيـن الطيـب علـى مبـداه
يبـيـن الـصـادق الـوافـي ويثـبـت لـلـعـرب دوره
هذا وجه الصحيـح اللـي يميـز للصحيـح احـلاه
على الوضع الحقيقي يحتفظ بالاصـل والصـوره
|