لا بــاس
.. لا بـاس يـالمحبـوب روحـي تفــدّاك
.. لا بـاس يـامضـنـون عينـي حبيـبـي
.. يـاعـلّ ربـي يـاهـوى البـال ياقــاك
.. مـن كـل شـر وكـل جـرحٍ عـطيـبـي
.. يـاليتنـي خـذت المـرض عنـك مـاجـاك
.. وتصيـر مـن بـدّ الخـلايـق طـبيـبـي
.. تـرى حـيـاتـي مـاتهـنّـا بـليــاك
.. ليتـك دوام مـن عـنـد عينـي قريـبـي
.. يـالـيتنـي نـسـمـة صبـاحٍ بـدنيـاك
.. الثـم جبيـنـك عـقـب طـول المغيبـي
.. أو لـيتنـي طـيـفٍ يـزورك بمـمـسـاك
.. وأشـاهـدك واقـول يـانـفـس طـيبـي
.. بالحيـل أحبـك و أعـشـقـك واتمـنـاك
.. يشـهـد عـلى مـا اقـول دمـعٍ سكيبـي
.. انـا دخـيـلـك لا تـطـوّل بـفـرقـاك
.. رد لـعيـوني نومـهـا اللـي حـريبـي
وهذه ألقصيده كتبتها أثناء مرض سموه..
وتخاطب في أبياتها ابنها خــــالـــد..
سهرت الليل ياخالد وأنا دمعي مخاويني
اداري فيظها الوارد واقول الصبر ياعيني
ماهو بالدمع لي فايد ولاكنه معزيني
عن الي عني مباعد وبعده حيل يضنيني
الا يارب يامساعد دعيتك لاتخليني...
تسلم عمر بوخالد وتشفيلي نظر عيني
وشوفه مقبلن عايد يغيث الروح ويحيني
ويركد خافقن زايد عقب غيبته مشقيني
سهرت الليل ياخالد وانا دمعي مخاويني
اداري فيظها الوارد واقول الصبر ياعيني
يامن يراعيني بعينه واراعيه في عيون قلبي كل مالاح زوله... يفز قلبي لا تبــدت موالــيه
واغض عنه الطرف والناس حوله
اقعد معه في الناس مااقدر احاكيه
اخشى لساني يختلف في مقوله
يغلي الحكي في خاطري مااقدر احكيه
يصرخ بصدري صمت قد طال طوله
اسرح بفكري لا جا طاري فيه
لا اقدر ارد الهرج ولا اقدر اقوله
لا اقدر افيض سر قلبي ولا اخفيه
لا اقدر اداوي له جروح عليلة.
يامن يناديني بقلبه واناديه
يامودع ليلي ليال طويلة
ينسى الغفى عيني اذا جيت باغيه
يامن يلوم الي خلا من خليله
يعتـادنـي عيــد الشقـا يــوم فـرقـاك
ويعتادنـي عيـد الفـرح يوم أشوفــك
مـاهــو بعيـدٍ مــا سمحلــي بلامـاك
عـزي لعيــنٍ شـوفهـا مـا يحـــــوفك
يـشتـاق لك بالحيــل قلـــبٍ تمنـــاك
قلـبٍ تعشـق فيـك كامـل وصـــــوفك
قلــبٍ يشــع مــن الفـرح لين لآقــاك
وليـن تلاقـت مـع ظــروفه ظــــروفك
مـاظنـي أصبـر ياحـبيبـــي بليـــاك
مـن غيــر مـا تلمس إديني كفــوفك
أجلس بقربك وأهتني في مراعـاك
صوتي يترنم في خماسي حـــروفك
اسمها ياغايب..
يا غايب عن مدى شوفي
متمكن في وسط جوفي
لاموني الناس في حبك
وقلبي عن العذل مصدوفي
ماقوى العزا عنك لا والله
لكن تحدتني ظروفي
ظنيت في البعد لي سلوى
وانا اللي انصبت بسيوفي
حاولت اداوي وجع عيني
بس اخطفت عيني اكفوفي
يا صاحبي لد لي شوفك
أسيرك اليوم مكتوفي
متغرب يرتجي وصلك
يا علك بحالة تروفي
حاول يصور معاناته
وعبر عن الشوق بحروفي
ردية بين الشاعرة نجدية وبين الشاعر الأمير خالد الفيصل ..
خالد الفيصل في لا يطول غيابك
لايطوِّل غيابـك ثـمٍ آخـذ عليـه لو تخلَّيت عنَّي عنك قلبـي تخلَّـى العذر و التعلِّـل والحكـي مانبيـه من تحرَّك فؤاده بالهـوى ماتغلَّـى طبعي الصبر لكن وش عليه أرتجيه من طويل الصَّبر يعقوب وأيوب ملاَّ
دامني حي عطني وش بقى نحتريه ما أبي دموعك الَّلي عقب موتي تهلاَّ
مابقى بالعُمُر مقـدار مـاراح فيـه كلِّ مازلِّ يومٍ .. يوم بالعُمـر ولَّـى
مايعرف الجمر مثل الَّلـذي يكتويـه أحد يدفا بناره وأحد فيـه يتصلَّـى
يامن القلب حطَّيتـه براحـة يديـه مارِضى له مكانٍ غير كفَّـك محـلاَّ
كم تعذَّر وعيَّا عن هـواه مهتويـه لين طاح بيمينك بالغـرام وتجلَّـى
نجدية في لو تخليت
لو تخلَّيتِ وش لي بالحياه أرتجيـه لو تخلَّيت ماعنَّـك خفوقـي تخلَّـى والله إنَّك ملكتـه ثـم تربَّعـت فيـه ومال غيرك حبيبي وسطِ قلبي محلَّ ياهَناه وعذابه كيـف تِقسـى عليـه كيف طاوعكِ شِعرك بالمِشاعر تِسلَّى
لاتِجنَّى تـراك الَّلـي حبيبـه يبيـه ولاتزيده تراه مـن الغرابيـل مـلَّ
إنتِ فرْحه وجرْحه وإنتِ مايمتنيـه وإنتِ مضنون عينه لو عليكم تِغلَّـى
خالد الفيصل في لو يبور الملا
لو يبور الملا ما احسب حبيبي يبور وأحسب اني أموت ولا يموت الوفـا وأحسب انه على هاك المودة غيـور ما احسب ان الشعاع اللي بقلبه طفا كيف يا نور عينى وانت للعين نـور يختفي نور وصلك في ظـلام الجفـا
اثر قلبك على فرقا الولايف جسـور واثر طرفك اليا سهرت عيوني غفـا
وين هاك الونين اللي يشق الصـدور وين هاك الدموع اللي تشق الصفـا
كل حي ٍ اليـا دارت لياليـه يـدور كل قلب اليا عفـت جروحـه عفـا
ويل قلب توالت فوق جرحه كسـور كن جرح الهوى يا صاحبـي ماكفـا
التمس لك عذر لو كان ما أنت معذور و ان جحدت الموده بان لك ما خفـا
نجدية في لو يبور الملا
لو يبور الملا ما ظن حبي يبـور لو تغدر الليالـي مايمـوت الوفـا والله اني على صفو المودة غيـور والشعاع بخفوقـي يتقـد ماطفـى نور عيني حبيبي دوم للعين نـور شوق قلبي لحبه في وصال وجفـا
واهني الخليل اللي عزوم وجسور ساهرات عيوني يوم طرفـه غفـا
سلوتي بالونين اللي يشق الصدور وبغزير الدموع اللي تشق الصفـا
طال ليل المعنى والليالـي تـدور وعفت عروق قلبه والشقي ماعفـا
زادني بعد خلي فوق جرحي كسور يازماني ترفق ماجرى لـي كفـا
وانت يالايمي والله مانت معـذور يومك اتهمت حبي بان لك ماخفـا
دعاني الشوق
دعاني الشُّوق يـا الغالـي وأنا مِن الوجـدِ لبَّيتـه ماأقدر على البُعد عِزَّا لي
قلبـي تِعـذَّب وعنَّيتـه
والَّلي مِن العيـن هَمَّـالِ
دمعي فِضحني لو أخفيته
زولك على الدَّوم يبرى لي
ماأنساه مهمـا تِناسيتـه
أطوِّح الصَّـوت بالعالـي
وين أنت ليتك توحَّيتـه
مانيب لِلصَّبـر مِحتـالِ
ومن الضَّنى البُعد ملَّيتـه
عودَّت لَك ياهَوى بالـي
ولعيونك الكِـلِّ خلَّيتـه
لُقياك لامِـن تِهيـا لـي
به تنتعش روحي الميتـه
.................................
الله يرحمها رحمة واسعه
منقول للأمانة
.....................