وان لمحتي في عيوني جمر شوقي لاتجين ..
لـَـني لو جيتي بلين ..

تصدقين !
من سنين ..
كنت أحسب اني اعرفك ..
أو بالأحرى ..
كنت اعرف اني اعرفك ..
واكتشفت اني مغفل .. لا ، بعد ماني ذهين ..

مو حنين اللي كتبته ..
مو حنين ..

هذي تشكيلة حروف ..
ترسم الصدق .. الظروف
وتوصف اني كنت شايف واكتشفت اني مَـشوف ..
والخلاصه اني بعتك ..
مثل ما ضيّعت نفسي وبعت قلبي من سنين ..

تزعلين !
لو اقول اني كرهتك ..
تزعلين ..
ادري ودك تعرفين ..
وش سبب هالشي هذا وترحليـن !

اسمعيني ..
وافهمي معنى كلامي والحنين ..

تذكرين !
تذكرين شلون كنتي في عيوني تغرقين ..
تذكرين شلون حالي لما كنتي تبعدين
تذكرين شلون كفي ترتجف لما تجين ....

اسمعيني ..
وافهميني ..
واتركي كل الكلام .. واتركيني ..

ماكرهتك ..
بس مابي ترجعين ..
مابي إلا عن حياتي .. يامماتي ترحلين ..
وماتجين ..
حتى لو انك لمحتي دمع عيني لاتجين ..
واعرفي اني تركتك واني لا يمكن ألين ..
لا تجين ..