تحفظ لنا سلطـــان يالله ياللــــــــــه __ من كل سو وكل شر تنجيــــــــــه
ولي عهد المملكه من تناســــــــــــاه __ سلطان سلطان ليا حل طاريـــــه
ترى اليتامى والارامل تحـــــــــــراه __ راع العطا والخير كله بياديــــــه
حط المساكن بالمــــدن مع قرايـــاه __ نظم مشاريعه وزين مبانيـــــــــه
والنائب الثاني على العــــز مبــــدآه __ نايف تسرك بالمواقف مماشيـــه
قضى على الارهاب والشر طفـــــاه __ الله يعزه يوم شرعه حكم فيــــــه
وامير حايل سيـــــدي لا عدمنـــــــاه __ الله على الطاعه يعزه ويبقيــــــه
في ظل ابو متعب حـــــكم بالمساواه __ بالعين مسكانه وبالقلب نغليـــــه
عيال الامام اللي عسى الخلد مأواه __ عقب حرار يوم ثبث مراسيـــــــه
ال سعود اخوان نوره مسمــــــــــاه __ تاريخهم معروف كلن قرأ فيــــه
المملكه داري وانا عشت بحمـــــاه __ افديه في مالي وبالروح انا افديه
هذا الكـــــــــلام وكل شي بمعنــــاه __ ما قل دل وزبده الهرج تحليـــــــه