|
ياقلب لاتطرد من الناس مقفي
ياقلب لا تطرد من النـاس مقفـي خله عسى سـود الليالـي تـرده
والهم ذاك اللي مع الحـزن يلفـي
في ذمتـي ياقلـب مامنـه صـده
متعـودٍ ياقلـب للحمـل كتـفـي
وحظي على ماقيـل مافيـه نـده
اصبحت انا في سجن الاتعاب منفي
ومن زود مافيني كرهـت المخـده
من يوم غاب اللي إمسميه نصفي
ونا مابين الشوق ونـار المـوده
اللي تسبب في جروحـي ونزفـي
اللي ورود الشام ملمـوس خـده
امن اولٍ ياقلـب ياقـف بصفـي
واليوم سيفه فـي غيابـي يحـده
ياقلـب مادامـك ماخنتـه يكفـي
ماهوب قدك وانـت منتـه بقـده
اصبر ونـا للصبـر بمـد كفـي
وطير الوهم بفـك قيـده واهـده
وانا حسب علمي وطبعي وعرفـي
من صـد متغلـي يعذبـه صـده
|