( طبعا الموضوع فيه لمحة غير مباشرة للبنات الدلوعات يعني اللي فيهن دلع زيادة وماله اي طعمه )


وهذي هي القصة ؛؛؛


في الليلة القمرا للعروسه المدلعة التي تنتظرها كل بنوته حبوبه ..


كان في احدى قاعات مسقط الكبيرة جاء المعازيم والأهل والى اخره من طقوس الأعراس ..


باختصار شديد ما راح اطول


الى ان جاء وقت دخول الزوج ووقت تصويرهم مع بعض


وتصوروا العرسان مع بعض وآخر شي جات ( أم الزوج ) وجات المصورة عشان تصورها مع العرسان ( ولدها وزوجته ) ..


فبكل رقه مصطنعه ودلع بايخ وبكل وقاحه قالت العروس :


{ مااريدها تتصور معنا اأخجل يشوفون صديقاتي صورتها معنا؟! >> ليش بيضيع ستايلها دلوعه الماما } ..





* السؤال هنا للشباب لو واحد منكم كان المعرس وصار له هذا الموقف من زوجته مع أمه وأمام الجميع ..


كيف يعالج الموقف ويرضي الطرفين ؟ .. و كيف راح ينقذ الوضع بدون ماتصير حساسيات للطرفين ؟


* والسؤال الثاني للبنات .. لو انتي دلوعه بزياده حبتين وماتبين تضيعين ستايلك


بوجود وحده عجوز بالصورة وش بتسوي ؟؟ >> ولو اشوف انه السؤال ماهو راكب .. ليش العجايز مالهن رب








لين هنا ونبي مناقشاتكم ..


بس اكيد تبون تعرفون وش


رده فعل المعرس في القصة

وكيف عالج الموقف !!


........



......



.....



....



...



..



.




الله يسلمكم المعرس من يوم سمع كلام زوجته في أمه


.. راح واخذ بيد أمه وحبها على راسها وجلسها على الكرسي


وراح لديجيه اللى عند المكروفون وقال بأعلى صوته لكل الحاضرين انا


فلان بن فلان الفلاني أقول لفلانه بنت فلان (قال اسم زوجته) والكل حاضر وشاهد وسامع .. أنتي


طــــــــــــــــــــــالق ..




وسلامتكم ..



والسؤال الثالث لعيونكم وش رايكم في موقف المعرس ؟؟



للأمانه القصة منقولة




أختكم/ أمسيان