فضفضه
السلام عليكم ورحمة الله وبركاته
اخواني حبيت أفضفض لكم عبر منتدانا المحترم وأعبر بما يكتبه قلمي قديمآ
اوحديث انا احب الشعربكل لحظه وثانيه فالشعرمتنفس جميل والشعر له مواقف
منه الخيال ومنه الواقعي فكان في برنامج شاعر المليون في النسخه الأولى كنت متابعه
معاهم بحماس ومعايشه الحلقات فكل شاعر وشاعره عند الدخول على اللجنه يبداء في بيتين شعر مدح في وطنه او مليكه او قبيلته فاانا بديت معاهم وعند دخولي على اللجنه
استاذنتهم في بيتين
وقلت
جيت من دار ابو متعب وكلي شموخ ... جيت من زود في زودآ الى دار زايد
جيت لأرض المكارم دار هاك الشيوخ...جيت من نــجد داري والفخر والعوايد
وبعد استاذنتهم في بيتين أيضا
وقلت
ياجماعه شاقني ديكور شاط الراحه....والمصمم مثل مصمم قافه
والبقــيه مــثل شــعر الســــــــــاحه... فيه من حبه وبه من عافه
فالجمهور صفق وابحراره واللجنه أجازوني
وبقا انتم تجيزوني هههههها فاالشعرمشاعر ونعمه من رب العالمين
ومنه مواقف
محببه منها مسجات تصلح أثنين على سبيل المثال كان وحده اتصلت بي
قالت زوجي زعلان مني قلت ليه قالت مزح معاي وقرصني وانا لاشعوريآ
قلت يحمار ضحكت منها قلت خلاص راح اوصل لك مسج وانشاالله راح يرضا
بس بعد مايروح الى الدوام ارسليها له ومايجي إلا وهو راضي
يقول المسج .... أصبحك بالخيرياأعز مخلوق.... عسى حياتك بالفرح طول الأعمار
انا احبك وباالدلع صرت مطفوق.... ومن الغلى والحب سميتك ......
واقول تكرم يبرق الريش ياعوق..... ياحر ياقطامي ياندر الأحرار
فارجع للبيت وهو يضحك
لعل يعجبكم ماكتبت تقبلو تحياتي
|