وشلون ما اغليك
وأنت الذي علمتني حبك
يا هاجسي ... عشقي عيونك
إسأل ... وتلقى الجواب
في ناظر عيوني
تصوير لآجمل عذاب
حبك يا مفتوني
تلقي حياتي كلها لذة غرام
مهما سهر طرفي
أو جارت ظروفي
أو عشت أنا الحرمان
تلقى حياتي كلها لذه غرام
يا عذب الصفات ... يا كل الحياة
صبرك علي ... هذا قليل
مهما ترى من تضحيات
هذا قليل ... خل السهر لعيون من حبك
خل العيون اللي لها عشقي تبات

أحبـك المـاء لـروحي يــوم يـضميــها
أعظــم سـؤال يواجـهنـي من أيـامـي
وش صالحك من جروحي يوم تدميها
يا منتهى الحـب كله منتهى أحلامـي
غيـرك كـثيـر المـلا عندي ولا أبيــها
ما أشوف غير أنت بين الناس قدامي
محبـتـي كيـف ما تـدرك مـعـانــيـــها
يا نشـوة الحـب حبـك مصدر إلهامـي
ما يسعـد العيـن غيـر عيون غاليــها
أحـلف لك إني لشوفـك دايــمٍ ضـامـي
هايم مـطاف العيـون الشـوق يحييـها
شوفـك علشان حـبـك والغـلا سـامـي

من اجازي
من أجازي .. من يا ترى صار في طبعه قاسي
الكلمة كلمة .. مره تجرح ومره فيها التراضي
السهر وش قيمته .. والدمع مسقى لياليك
وإلا ارخص بدمعته .. هذي معه تواليك
اندم على كثر السهر .. يوم إن عيني تراعيك
واعتب على قصر النظر .. خديعة غشني فيـك
وقـفه مع التفكير .. وش يا ترى اختـار

يادنيتي مجروح من وين ماروح
ماراحت جروحي والايام راحت
ياليتني نفس اذا ضاقت تبوح
ان كان من هم الليالي استراحت
كل ماخفيت جروح تظهر بي جروح
وبوسط صدري قـــلــة الهم فاحت
وانا اكثر من الجرح ماأقول مجروح
نفس العزيز اكبر من جروح ناحت
اوقف في وجه الوقت كأني جبل نوح
واطيح لو روحي من الجرح طاحت
قلب الاسد ماهومخلوق للنوح
تعما عيونه كان في يوم صاحت
صوت الحزن من كثرة النوح مبحوح
يشكي الجروح اللي مع الوقت لاحت
وانا لجرحك يازمن قلت مسموح
ان اقبلت دنياي وان كان شاحت
ولو كل صدر اصبح كتاب مفتوح
ان كان كل الناس بالهم باحـت
والروح بعض احيان ترخص لأجل روح
لكنها لو باحت بسر راحت...!

ساعة زمن مرت وفيها انتهينا
وجيهنا اختفت كل الحقايق
انتم ضحكتم واحنا فيها بكينا
شاء القدر بعد ما كنا رفايق
مدري السبب أنا وإلا انتوا السبب
أو عذول أغرانا أو فراقنا انكتب
من حبكم ذقنا ولا ارتوينا
غريبة ما كنا مثل هالخلايق
فيما مضى كنا لبعض عنينا
ونظرتي للأمل شمعة شرايق
الشوق ألهانا ولا علي عتب
والحظ ودانا والكل من فينا اغترب
تبكيك عيني يا الذي ما تجينا
و رموش عيني من دموعي غرايق
ترى مدى النسيان به ما قوينا
شبت بجوفي من فرقاكم حرايق
بالله حسبنا على الذي انسحب
يا دنيا عطشانة من فينا منك هرب

الله لنا ياللي نسى وصل الاحباب .. تنسى واحنا للغلا ما نسينا
بدّلت ذاك الحب في هجر وغياب .. من علمك تنسى وتقسى علينا
كنا سوى يوم الهوى بيننا طاب .. والحب كان بصدق موجود فينا
لا نسمع العاذل ولا نعرف عتاب .. واحلى الليالي كلها لا التقينا
واليوم صرنا نلتقي مثل الاغراب .. من عقب ما كانت تعانق يدينا
للكل منا طبع والطبع غلاب .. نسيت ماضينا وحنا وفينا

ودّي أشبـع منك شوف وما حصل لي
كـل ما ناظرتنـي ضاعـت عـلومـي
فـي عـيـــونـك للغــلا حــبٍ يهـلـي
ناظـر لحبـك عـلى خـدي وسـومـي
طحت فـي حب العيـون السـود كلـي
ومن عثر في رمش عينك ما يقومي
خدرةٍ تشرب ظما حسنـك رضاً لي
كـنها فـي صحـوةٍ من عقب نومـي
إنشــرح صـدري بشـوفـك واسفهـلّـي
خـافـقٍ ماله عـلى وصـلك سلومـي
من نشدنـي قلـت أنا مجـروح خـلّــي
فـي حيـاةٍ للـخــلايق مـا تــــــدومِي

بعد لك وجه تجينـي بعـد ماذوقتنـي امـرارك
ياعمي طير خلاص انسـى ولاتفكـر تطـق بابـي
اخاف بس صج تموت فيني اقول الا انت شخبارك
اقول فارق واخذ كذبـة تمـوت فينـي وتحيابـي
طفى ضو المحبه وأنطفى فـي عمـري مشـوارك
وعرفت اقسى الطعون اللي تجي من خنجر اقرابـي
خلاص الحين بس الحين عرفت شلـون امطـارك
تصب هناك لكل النـاس وتنسـى تـروي ترابـي
تعال وشوف بـرواز العيـون وفيـه انظـارك
هو التذكار مدام انـت النظـر وتجمـل اهدابـي
اشوف بس أخذ الاشواك وغيري ياخذ ازهـارك
ياطيبي كنت احسب الجرح منـك حيـل يزهابـي
من اول تنشغل فينـي وفينـي تشغـل افكـارك
واشوف الحين ماتقـدر تطيـق تشـوف ترحابـي
عمت عين الظما ان كان الظما يترجـى انهـارك
وعمت عين الهوى ان كان الهوى بيشتت اعصابـي
تخاف القلب لا اظلـم غـلاه يمـوت بأنـوارك
أبـد لاتخـا ف متعـود علـى طعنـات أحبابـي
مو مية نار تحرقني بقت هي بـس علـى نـارك
ابشرك مابقى اي شـي تحرقـه كفـو اصحابـي
تجيني ويعني وبعدين شسـوي يعنـي لأعـذارك
تصوبني وترضي كل غـرورك مـن ورى صوابـي
اقول اسكت ولا تكثر تـرى مليـت تكـرارك
طلبتك لين ماجفـت عيونـي مـن ورى اعتابـي
توكل ما بقى لك شي في عمري كود تذكـارك
أو اسمع حتى تذكـارك كسرتـه داخـل أهدابي

تناثرت / كـل الملامـح / وانكسـر / وجـه الغـرام
ثم امتلت / كـل الشـوارع / مـن وجيهـك / أقنعـه !
وجهٍ / تناثر .مع هشيم الريـح / وجنوبـه / حطـام
وجهٍ / تبعثر / بانكسارك / وانحنـى فـي : مرتعـه !
وجه ٍ / توارى خلف / غيمـات المسـاري / واللثـام
وجه ٍ / تلاشى مع طيـوف ٍ / بالمحـاري مفجعـه !
كل المدينـة / مـن سواتـك / لفّهـا ثـوب الظـلام
ولاّ الرصيف / اللي جرحته / والمراكـب مسرعـه !!
مدري ! عيوني أجحفت ! ولا احتوى صدري غمـام !؟
ما عاد اشوف ! الا وجيه ٍ / تنكسر فـي / معمعـه !
يا صاحب الحب / الذي فيـه الهـوى حـده " كـلام "
فيك العشق / كلـه ثوانـي / وذكريـات ٍ / ممتعـه!
لو يمدحونـك / بالمثالـي / وانـك الحـر ّ / القطـام
لـو يحسبونـك / للمـلا / أسمـى دليـل ِ نتبعـه !
أنت الذي خان وتمـادى / والتحـف / ثـوب الوئـام
أنت / الذي قولـه / مبـادىء والفعايـل / تخدعـه !
منذ متى / والكذب شيمه / من شيّم / بعض الكـرام !!
منذ متى / والغـدر زاده / فـي دروبـك / أمتعـه !!
أبحرت / في لجّة عيونـك / أرتـوي منـك / الهيـام
ليت السفينة / مابحرت مـن غيـر / زاد وأشرعـه !
من يوم "انا " فتحت عيني / و " انت " لي زاد وفطام !
صعبه ! على المولود / يحيـى / دون زاد ٍ يشبعـه !
أكبر / ويكبر داخلـي / حلـمٍ ٍ علـى جفنـي / ينـام
كنّي / أسير ٍ / يحتري صبـحٍ ٍ / يناجـي مصرعـه !
" الله يعيـن " القلـب / كنـه شايـل ٍ / هـم الأنـام
من / صدمة ٍ / خلّت جروح الليـل فينـي / مبدعـه !
هزتني الدمعة / وانا اللـي لـو ذرفتـك / كـل عـام
تنثرني العبره / ووجهـك / لـو يسامـح / أجمعـه !
والحاجه / اللـي فـي يدينـك / مالهـا أي اهتمـام .
دام الحقيقـه / مالهـا فـي سـر ّ ذاتـك / منفعـه !
قبل الرحيل / استأذنـك !! فـي كلمتيـن / وباحتـرام
مدري !! على سمعك / تمر ّ ! ولا بـقلبك / موجعه !!
مدامك " انت " اللي كذا !! أجل : على الدنيـا السـلام
وكل / الوجيـه / اللـي تقابلنـي مجـرد / أقنعـه !

دخيلك لا تخليني ولا تاخذ على الغيبه
ترى والله ما أقدر ولا أقوى على غيابك
صبرت وملّ صبري عقب ما طالت الغيبه
نسيت إنّ الشتاء بارد وانا متعوّد ادفا بك
اهذري باسمك تصدّق وانا نايم اهذريبه
ترى توّي دريت إنّي اذوق الموت واحيا بك
غدا حالي مثل طفل فقد اغلى الاعيبه
تصوّرت ك كما طفل وانا الغالي من العابك
غدا حالي مثل شاعر خذوا اروع مكاتيبه
تخيّل لو خذا غيرك قصايد محتوى كتابك
ألا لو تكشف الخافي على العالم تماريبه
أنا متأكد إن اللي بقلبي يرضي اعجابك
أقول الصدق يا عمري ومقيول الكذب خيبه
أقول الحق ما كابر أحبك واعشق ترابك
دخيلك لا تخليني ولا تاخذ على الغيبه
ترى تـوّى دريت إني اذوق الموت بغيابك

حطموك يا قلبي كل ما فيك
حطموك لين ما صرت فتات
وش حالتك وصاحبك مجافيك
وش حالتك من بعد الشتات
قلبـ(ن) بالخيانه يجازيك
وانت تهدي له معجزات
ما غير حزنك يا قلبي يسليك
وما غير بين تناهيد وآهات
لو تنسمع آهك محد قال وشفيك
كيف لاصارت تجيك طعنات؟
آه من طيبك وين أوديك؟
وجزا معروفك الم وعبرات
شفت الطيب وش عمل فيك
خلا الإنكسار يذوّقك حسرات
غدر من انسان كان يغليك
أعز انسان عندك انت بالذات
تعلّم يا قلبي من ماضيك
تعلــّم جايتك ويلات ويلات..
أبيك تقسى وافتخر فيك
أبيك ماتعرف المعاناة
أبي من عرفك ينصدم فيك
أبي تكتب من الحزن أبيات
أبي لاقالوا عبير الورد شفيك؟
تقول الورد هذا مااااااااااات.

منتب على خبري تغيرت بالحيل
ماهوب قول الناس شوفة عيوني
مثلت لي دور المحبين تمثيل
رح كمل المشوار هالحين دوني
دامه حصل بالوضع يازين تبديل
في عزتي للنفس هجرك يهوني
ماقلت يوم اقفيت مااطولك ياليل
مابيك دام الغير بك شاركوني
شكيت جرح من سواياك لسهيل
لاشك نجم سهيل زود شجوني
مليت أنا ماعاد ابي منك تعليل
خلك مع اللي في هواك حسدوني

عـمـري قـضـيـتـه بين خـايـن وخـوان
أخلصت حبي و القلوب أخدعتني
أعـطـي وهـالـدنـيـا أبــد مـا
ومـاصـرت امـيـزبـين عــلان وأفـلان
لـكـن جـروحـي بالـبـشـر عـلـمـتـنـــي
هـذا الـعـمـر عـمـري ومـافيه نقصان أ
صـبـحـت شـايـب ودنـيـتـي دمـرتـنـــي
خــلاص بــرحلوالسبب كثر الاحزان
وقــلــوب نـاسـآ ظــالــمـه ماأرحمتني

هاك القصايد لاتضايقت واقرا
شف وش كثر فيها لضحكاتك اشتقت
ماكل جرح لاخذا ايام يبرا
بعض الجروح يزيد شره مع الوقت
أشوف لك وين ماروح ذكرا
لاشفتها صديت عنها ودنقت