رد: ~ برودكـآست بلآك بيري ,, BroadCast BB
مانجهل الدنيا .. ولانعلم الغيب
بس الزمان اليا تمايل .. تمايل
تصيب بعض أحيان .. وأحياناً تخيب
وأنت اعتبرها مثل كبوات أصايل
نمشي على درب الكرم .. والمواجيب
ولاشكينا من سموم القوايل
لو البشر ما هي تحب الأصاعيب
ماكان عاشت في الجزيره .. قبايل
الطيب ما يعني تجنابك .. العيب
الطيب .. كيف تطول .. روس الطوايل
أقسى طعون الضيف طعنة .. معازيب
وأبشع ذنوب الناس .. قل الفضايل
ترا السوالف ما تودي .. ولا تجيب
حتى ولو كانت .. قصيد وجزايل
راحت علينا لااتحرى مكاتيب
تزهّب لدرب الشقا .. والهوايل
لا تحتري من بيض الأيام .. ترحيب
ماعاد باقي للسلامه .. دلايل
لا صرت ما تضمن قلوب الأصاحيب
جنّب قبل تلقى كبار الفشايل
أحد(ن) إذا مديت له طيبك .. يغيب
ماتملي عيونه كبار الفعايل
وأحد(ن) .. يموت إن كان سويت ﺑﮧ طيب
يخاف مايقدر يرد الجمايل
|