|
نوماس بسم الله الرحمن الرحيم هذه القصيده مناسبتها عندما كنت في احد المقانيص التي قمت بها مع مجموعه من الاصدقاء وهي في منطقه ((طيارات)) شمال محافظة قبه جنوب مركز الزبيره في منطقه القصيم عندما هديت طيري((نوماس)) في عام 1421هـ واراد الله ان افقده فقلت هذه الابيات: [poem=font="simplified arabic,6,white,normal,normal" bkcolor="white" bkimage="backgrounds/38.gif" border="outset,4,gray" type=0 line=1 align=center use=ex num="0,black""] يالله يافراج كرب المعاســــير= ياواحدٍ يولج بليله نهاره ياوالي الاقدار منك التباشير= يارب يامنجي محمد بغاره تجيب لي نوماس عوق المخامير= يارب بشرني بطيري بشاره هديت طيري عل في هدته خير= على هريب منتوي خور قاره يوم الخميس وجايعٍ حزة عصير= مفوته يومين بحروة حباره ومن حين طارت تل واعطيته السير= واعلن على برقا جناحين غاره حايل دجاج وعثره حيل تعثير =وادلى عليه وضيعه عن مساره وريع عليه ونثر الريش تنثير= عزالله انه نادرٍٍبه جساره وانا اشهد انه ساطيٍ يابو تيسير= وابو بخيت قال ماهو خساره البارحه يااحمد بنومي تفاكير= اقوم تال الليل واكتب عباره وعلمت قرمٍ مايهاب المخاسير= قال العوض به نادرٍ من حراره وياماحلى هد الوحش بالمخاضير= لاصار فاعل لو تجيبه نزاره مع خطو ربع طيبين وصقاقير= من اهل الكرم والجود واهل الصقاره ناخذ لنا بالبر عدة مشاوير= بين النفود ونوب باطراف ساره هذي حلاة اهل الولع والمداوير= والعمر فاني والفلك في مداره وصلاة ربي عد وبلٍ مزابير= على النبي واعداد من شب ناره [/poem] محمد السالم العرماني [/quote] |
رد: نوماس ابيات جزله صح لسانك أخوي محمد السالم لاعدمناك |
رد: نوماس صح لسانك على الابيات الرائعه والله يعطيك العافيه |
رد: نوماس تسلم على الطرح الرائع لابياتك عزيز نفس |
رد: نوماس صح بدنك اخوي امير بذاتي تستاهلون |
رد: نوماس صح بدنك اخوي ابو ماجد العرماني لاهنت |
رد: نوماس سعودية1صح بدنك اخوي العازف انتظروا القادم |
رد: نوماس صح لسانك وبيض الله وجهك على القصيدة ننتظر جديدك بفارغ الصبر |
رد: نوماس صح لسانك عزيز نفس والله يعوض عليك انشاءالله |
رد: نوماس و4صح بدنك اخوي azd أبشروا بالجديد وحصري ولاهنتم |
رد: نوماس شكرا عنفوان بارك الله فيك |
رد: نوماس بيض الله وجهك على القصيدة ياعزيز نفس ومعوض خير بإذن الله |
رد: نوماس أسأل الله أن يعوضك بخير من الدنيا ومافيها جنته جنة الفردوس ان شاء الله سلمت على هذه القصيدة |
رد: نوماس ابيات جميله عزيز نفس صح لسانك بارك الله فيك وعوضك الله بالاحسن بانتظار الجديد تستاهل التقييم |
رد: نوماس عوضك الله أخي على طيرك بخير منه قصيدة قمة في الجمال يعطيك العافية وبارك الله فيك |
رد: نوماس بسم الله والحمدلله والصلاة والسلام على اشرف الانبياء والمرسلين سيدنا محمد وعلى آله وصحبه وسلم اما بعد : اتقدم لكم جميعا اعضاء ومشرفين كما اتقدم لمدير المنتدى بوافر الشكر والتقدير على مابذلتم وتبذلون من جهد متواصل لتطوير هذا المنتدى المشرف بما يحتويه من مواضيع نافعه ومفيده جعلها في موازين اعمالكم في الدارين واعتذر من الجميع كل باسمه عن غيابي لفتره قصيره نظرا لظروف خاصه ولكم فائق الشكر والاحترام |
رد: نوماس اقتباس:
حياك الله أخي في أي وقت ومتى شئت فأنت في مجالس قبيلتك نتمنى لك التوفيق وأن يكتب لك الله الخير في حياتك ننتظر عودتك وننتظر منك مزيد من الإبداع |
رد: نوماس عوضك الله أخي الكريم وأشكرك على القصيدة الجميلة وإن شاء الله تعود لمجالس قبيلتك وأنت في أتم الصحة والعافية دمت سالم |
| الساعة الآن 01:52 AM |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd
الحقوق محفوظة لمنتدى قبيلة عرمان الرسمي 2020م
HêĽм √ 3.1 BY: ! ωαнαм ! © 2010