|
آسف على ضحكي آسف على أحزاني
السلام عليكم ورحمة الله وبركاته ،
يسعدلي أوقاتكم ،
.
العذر مكتوب لاصار الخطأ مقري .. آسف على ضحكي آسف على أحزاني
خطآي معذور ولا غلطتي عذري .. ومرارة العذر في قلبي وألسآني
مدري وش الي ذكرته وضاق به صدري .. مدري وش اللي نسيت ولا تناساني
لبست انا ثوب لاطولي ولا قصري .. ياطيبة القلب .. وين القلب ودآني
سنين مرت .. من عمرها ومن عمري .. سين احس الزمن فيها تعدآني
سنين موت حياتي من ورا ظهري .. والحب سجني ومسجوني وسجّآني
والشعر مطرود من قلبي ومن فكري .. سنين ماني بأنا ماني بحد ثآني
غنيت للناس والدنيا على خبري .. والشعر في دفتري مغرور ونساني
غنيت للحب يوم اعيونها تغري .. يوم الوفا والكلام والطيب ألحآني
غنيت للدمع يوم ان البكا كبري .. واليوم انا اكبر من دموعي وحرمآني
اليوم ماعاد يمدي الي جرح يبري .. مليت من كثر خطاياهم وغفرآني
مليت انا الشعر مل الشعر من شعري .. مليت انا الحب مل الحب وجداني
ليه انكسر بالعيون الي تبي كسري .. ليه اتغرب ورا . حزني وكتمآني
العين ماتستحي والوجه مايذري .. ماعاد يجزي هل المعروف بإحسآني
لو هي علي . عزيز النفس من صغري .. ما أشاور القلب .. في كرهي لعدوآني
ان رحت ياكثرهم وان جيت ياكثري .. ضاقت بي عيونهم لو كنت وحدآني
تعبت.. وأزريت مامليت . من صبري .. ياليت الذي رآح من كثر ماجاني
أحيان . ودي أطيح من التعب . وأزري .. وتشيلني ( عزتي ./ وسلوم جدآني
| 
العرض الشجري
