الاجواد واجـد والمراجـل لهـا كسـاب

06-22-2011, 04:45 PM

من أروع قصائد الشاعر / عبدالله بن شايق العاطفي

الاجواد واجـد والمراجـل لهـا كسـاب=لكن واعد العشـرة ليـا صـرت جمالـي
يطير الشـرار وكـل نـارٍ لهـا شبـاب=ومن ولع النيران يصبـر علـى الصالـي
تجارب حياتي معجـزة وادروب أصعـاب=ولقيت الرجال انـواع والـوان وشكالـي
صديق الشدايد ما خذا منك علـم وجـاب=وسيع الصدر يضحـك ولا هـو بزعالـي
صديـق الشدايـد لا ينافـق ولا يغتـاب=يدلـه غريـب الـدار ويزيـن الجـالـي
وصديق الرخى عقاب ومصادقـه عقـاب=شجاع الحكي والمـدح بالقيـل والقالـي
وصديق الرخى ما غير صورة ولبس ثياب=يا ليتـه يبرقـع مالـه شمـاغ وعقالـي
وعنـدي نصيحـه جـد ماقلتهـا لعـاب=أقول الصحيـح ونايـم القلـب يصحالـي
ترا خوة أهل الطيـب يالطيبيـن أطبـاب=يطيـب السقيـم وخـوة الاش سـلالـي
تغانم شبابك يا بيض الوجه دامـك شـاب=ترى البدر لو يطلع قمـر عـود أهلالـي
فلا تهجر المسجد وخلك ورى المحـراب=ترى روضة المسجد لهـا منـزلٍ عالـي
ولا تترك اللي يزهمـك خايـفٍ مرتـاب=ترى الذل ما نجـى الثعـل بـا لتحيالـي
ولا لندى غير الفدى لـو تـروح أرقـاب=ومن ضاع شوره يا خذ الشـور ويمالـي
ومن با شـرك بالعـذر لاتلحقـه بعتـاب=ولا تشوف نفسك شيخ والنـاس عمالـي
ولا تهين نفسك لو تجي بين ضرس وناب=وهيبتك لا تنقـص ولـو ربـع مثقالـي
وبنت الردي لا يعجبـك زينهـا الجـذاب=تراهـا كمـا المخيـال خيـل وتخيـالـي
ولو شفت حمر خدودها وثمـان أعـذاب=لا بدك تمنـى ليـت مـا جالـك أعيالـي
ولدها لا ياشاف النقـى والملاقـى هـاب=ذليـلٍ بخيـلٍ فيـه خفخـاف وجفـالـي
أخذ بنت قرمٍ طيـبٍ ساسهـا مـا عـاب=تنومسك بنت الشبـل ويجيلـك أشبالـي
أعيال الذياب تصير مثل الذيـاب أذيـاب=وعيال الثعالـب مثلهـا زهـر الاذيالـي
وفرخ الصقر مثله وفرخ الغراب غـراب=وبوم الخـراب ايقابـل العـش ويلالـي
الي صار راسك فوق يا طيب الا نسـاب=فـلا ينحنـي لقـدام رجليـن ونعـالـي
لكن الله اللي يكتب الـرزق يـا خطـاب=هو اللي يفك البـاب ويقـص الا قفالـي
ولا يهمـل الا واحـدٍِ عايـفٍ الاشبـاب=ولا ضيع أحقوق البشر غيـر الا همالـي
وترى للقصايد كيف والكيف لـه شـراب=وانا ما مشرب الا كيف راسـي بفنجالـي
ولا طاوع الجاهـل ولا جامـل النصـاب=أقـدم يميـن الحـق واحــط معـذالـي
ولا ني بو الله طيبن له مـع مـن طـاب=ومن طاب لي برخص له الحـال والمالـي
أكذب وانا خابـر واجامـل وانـا كـذاب=سنين مضت هـي صـدق والا يورالـي
تلخبط جهاز المخ وانهـارت الاعصـاب=وفورت دمـي وارتفـع ضغطـه العالـي
لكن في رجى اللي من رجى رحمته ماخاب=هـو الواحـد العالـي وهـو ربناالوالـي
وهو الخالق الرازق وهو المعطي الوهـاب=لـه الملـك كلـه والكمايـل والاكمالـي
رئوفٍ رئيـفٍ رحمتـه تنقـذ المنصـاب=يغيث الديـار الممحلـه عقـب المحالـي
شديد العقاب ويعتق المذنـب اللـي تـاب=عسـى مـا يوخذنـا بسيـات الاعمالـي
كما قالـه الله فصبـروا يأولـي الالبـاب=ترى الصبر زين وكلمـة الحـق تنقالـي
واصلي واسلم عد مـا تنبـت الاعشـاب=وما لاح بـراقٍ سـرى يشعـل أشعالـي
على المصطفى اللي وحد الدين والاحزاب=شفيع أمتـه يـوم الهوايـل والاهوالـي

قصيدة أعجبتني كثيراً أتمنى أني وفقت في الأختيار

06-22-2011, 10:36 PM

وعنـدي نصيحـه جـد ماقلتهـا لعـاب**أقول الصحيح ونايـم القلـب يصحالـي
ترا خوة أهل الطيـب يالطيبيـن أطبـاب**يطيـب السقيـم وخـوة الاش سـلالـي

صح لسان الشاعر وسلمت يمينك اخوي على القصيدة الطيبه

06-22-2011, 11:30 PM

نقل اكثر من رائع

لاهنت والله يعطيك العافيه

06-23-2011, 06:16 AM

تجارب حياتي معجزه والدروب أصعاب..ولقيت الرجال النواع والوان واشكالي

تعبير واقعي وكلمات من الصميم

ومن باشرك بالعذر لاتلحقه بعتاب..ولاتشوف نفسك شيخ والناس عمالي

رقي وتسامح وتواضع

تغانم شبابك ياابيض الوجه دامك شاب..ترى البدر لو يطلع قمر عود اهلالي

حكم ونصائح
طموح انسان عفاك ربي على نقل هذه القصيده المليئه بالحكم والنصائح

صح لسان شاعرها
وتستاهل التقييم

06-23-2011, 07:33 PM

الله يعطيك العافية وماقصرت

06-25-2011, 07:49 AM

الله يعطيك الف عافيه طموح انسان قصيده رائعه للشاعر الكبير والقدير عبدالله بن شايق العاطفي

06-25-2011, 06:03 PM

اقتباس

المشاركة الأصلية كتبت بواسطة طموح إنسان


	ولا تهين نفسك لو تجي بين ضرس وناب=وهيبتك لا تنقـص ولـو ربـع مثقالـي وبنت الردي لا يعجبـك زينهـا الجـذاب=تراهـا كمـا المخيـال خيـل وتخيـالـي ولو شفت حمر خدودها وثمـان أعـذاب=لا بدك تمنـى ليـت مـا جالـك أعيالـي ولدها لا ياشاف النقـى والملاقـى هـاب=ذليـلٍ بخيـلٍ فيـه خفخـاف وجفـالـي أخذ بنت قرمٍ طيـبٍ ساسهـا مـا عـاب=تنومسك بنت الشبـل ويجيلـك أشبالـي أعيال الذياب تصير مثل الذيـاب أذيـاب=وعيال الثعالـب مثلهـا زهـر الاذيالـي وفرخ الصقر مثله وفرخ الغراب غـراب=وبوم الخـراب ايقابـل العـش ويلالـي الي صار راسك فوق يا طيب الا نسـاب=فـلا ينحنـي لقـدام رجليـن ونعـالـي لكن الله اللي يكتب الـرزق يـا خطـاب=هو اللي يفك البـاب ويقـص الا قفالـي ولا يهمـل الا واحـدٍِ عايـفٍ الاشبـاب=ولا ضيع أحقوق البشر غيـر الا همالـي