يامن لقلب كل ما التم الاشفاق

03-19-2011, 06:04 AM

يا من لقلب كل مـا التـم الاشفـاق
من عام الأول به دواكيـك وخفـوق
يجاهد جنود في سواهيـج الإطـراق
ويكشف له أسرار كتمهـا بصنـدوق
إلى عن له تذكار الأحبـاب واشتـاق
باله وطف لخاطره طـاري الشـوق
قربت له مـن غايـة البـن مـا لاق
بالكف صافيها عن العـذف منسـوق
احمس ثلاث يانديمـي علـى سـاق
ريحه على جمر الغضا يفضح السوق
واحذرك والنيـة وبالـك والاحـراق
واصحا تصير بعاجل الحمس مطفوق
الى اصفر لونه ثم بشّـت بالاعـراق
صفرا كما الياقوت يطرب لها الموق
وعطّت بريـح فاضـح فاخـر فـاق
لا عنبر ريحـه بالأنفـاس منشـوق
كبـه بنجـر يسمعـه كـل مشتـاق
راع الهوى يطرب إلـى دق بخفـوق
واحشـه بدلـة مولـع كنّهـا سـاق
بلـورة مربوبـة تـقـل غـرنـوق
خله تفوح وراعـي الكيـف يشتـاق
إلى طفح له جوهر صـح لـه لـوق
أصغر قمـوره كالزمـرد بالاشعـاق
واكباره الطافح كما صافـي المـوق
زله على وضحا بها خمسـة أرنـاق
هيل ومسمـار بالأسبـاب مسحـوق
مع زعفران والشمطري إلى انسـاق
والعنبر الغالي على الطـاق مطبـوق
إلـى اجتمـع هـذا وهـذا بتيـفـاق
صبه كفيت العوق عن كـل مخلـوق
بفنجال صين صافي عنـه الارمـاق
تغضي وكرسيـه غـدان لمعشـوق
إلى صب فابصر جوهره تقل شبراق
رنق تصور بالحمامة علـى الطـوق
شكل غرا الفنجال لونه كمـا انـراق
دم لقلـب وإن مـزع منـه معلـوق
خمر إلـى منـه تساقـى بالأريـاق
عليه من ما صافـي الـورد مذلـوق
راعيه كنـه شـارب كـاس تريـاق
كاس الطرب وسرور من ذاق له ذوق
يحتاج من خمر السكاره إلـى فـاق
خشف تشف شفـاه والعنـق مفهـوق
عبـث يعيـل بحبـةٍ منـه مـامـاق
وهو يضاهي زاهي البـدر بشعـوق
بين اشفيته إلـى غنـج بـارق حـاق
عجل رفيفه بارقـه غـرق بطبـوق
سحر كتب من حبر عينيـه بـاوراق
خديه صاديـن ونونيـن مـن فـوق
كن العرق بخدودهـا حـصّ أرنـاق
ينثر على صفحـات بلـورة الشـوق
إلي تبسـم شـع وأشـرق بالآفـاق
نور يفوق البدر مع حسـن منطـوق
بالعنق كنّ الورس والمسك بـه راق
ما مشخص في صدره الشاخ مدقوق
يمشي برفق خايـف مدمـج السـاق
يفصم حجول ضامه الثقل مـن فـوق
إلى صفا لك ساعـة وأنـت مشتـاق
فاقطف زهر مالاق فالعمـر ملحـوق
وإلى حصل ما قيل عندي فـالارزاق
بيـد كريـم كافـل كـل مخـلـوق
هذا وصلّوا عـد مـا نـاض بـرّاق
أو ما شكا الفرقى شفيـق ومشفـوق
على النبـي مـا زِج زاج بـالأوراق
وآله وصحبه عد ما سيـق مسيـوق