من قسا وقتي ومن كثرة احراجه
جرح قلبي ما تداويه المراهم
حظ يااللي ضاع صيده في عجاجه
عذبه ترهيم دنيا ماتراهم
مايحوس الرجل ويخرّب مزاجه
لاصفا جوه مثل قل الدراهم
لا تلفت مالقا في الجيب حاجه
والعرب يصعب عليه اللي وراهم
والحظيظ اللي يواجه ما يواجه
مانشد عن فقرهم والاّ ثراهم
في غناة الله وعز النفس تاجه
ماتلا المقفين يمشي في ثراهم
كل شده تاليتها الانفراجه
ومن رجا العربان يبطي في حراهم
العرب خلاّن من كثرت نعاجه
لوضعيف الشبر منها ما قراهم
تمدحه لو كان مايسوى دجاجه
وصار من روس القبايل واومراهم
قام يعطي مع فجوج غير فاجه
مايفرق في رضاهم من زراهم
وان لهدهم وان عمدهم بالعواجه
سمّحوا عوجاه واكموا في ذراهم
بالسوالف في المجالس والغواجه
باع خطلان الايادي واشتراهم
في عيونه ما يشوف الناس حاجه
والعرب تراه مثل اللي يراهم
العرض العادي
